2 Samuel 24:10 - Godigo dwagi yai po buku10 Nosali Devit aga te yali sęde homu sęgę ebaso, tama aga Genuai Bidiba gedu haluasa po weyu, te tama po wai, “Ena te homu mu puna peyu, tama eno te bidi dabe nedalio. Tama eno te tiali kolesagade te eno dwai sę mu yali. Tiali goli, Genuai Bidi, eno nageba hanalu obao, eno te yali sęgę te nago sela sąyao,” wali. Gade chapit la |
Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.
Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.
Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.
Augwaligo tama po odolama, tama augwali tomode te sęgę meni yai bidi meni baso, tama augwali tigidali buluba deli deli naga buluba pai. Tobolu bidi polasa pai, tama meba augwali nosali pai, te po tų ebo tagalama, tama augwali Jisas taga pai. Tama Jisas agaduba deli digi bidai, tama te we Jisas aga gesabide dolaluai.
Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.
Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.
Solgo te po odama, tama Devitba te tiwai po wai, “Hobede da. Eno dwai kolesaga yali. Tiali goli, Devit, te eno wai, nage enaba ma geasa asao. Eno nage dolabo usu me sogobeo, magi baso meni, te e sogo hulide nago ena me ela mubeo. Mu tama, te eno ebo kolesaga te mu geda muani. Eno dwai sę ebo te dwasianu me ebeo,” wali.
Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.