2 Samuel 24:1 - Godigo dwagi yai po buku

¹ Me sogo deli sogo ma Genuai Bidigo te Israel dabeba wado elama, tama agai te Devitba homu kolesaga menama, te Devitgo augwaliba te sęgę sesemainu yai. Genuai Bidigo Devitba te tama po wai, “Nage pelama, te Israel me Juda we bidi augwali nedegi pao,” wai.

2 Samuel 24:1 Referans Kwoze

Tuni Bidi Dabego Po Elalubo Buku Deli 21:1

Te Satango te Israel dabe sęgę mawai hagede, tama agai Devitba homu kolesaga mobaso te Israel we bidi augwali nedao wai dao.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Esekiel 20:25

“Tama me, eno gasa tobage po me te dwai bomai po meba augwaliba mani, te bomai pogo augwali tau selama, bugagia me bidigobeo wali.

Esekiel 14:9

“Te tobage bidi me deligo te profet homu bega sabo po obaso, te profetgo po me deli agaba pusa mawai baso da, teda te sę page e tiwai, ena digi eno te profet bidigo homu kone tuą palobaso, agai te po pusubao. Tama te profet bidibolo eno dwai dene menama, te eno hani we bidide aga ela gudulaibao,” te tiwai po wali.

2 Samuel 16:10

Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”

2 Samuel 12:11

Ena Genuai Bidi, eno tama po wali, te eno te tiwai iliyu, te naga hani sibi meba bidigo digi te genuai sęgę nageba mawaibao. Tama eno te nago we dabe selama, te gasa bidi dabeba mabo, te naga sueibao. Tama aga te augwali te pepeli dilide hania penani sę yaibao. Tama tigidali we bidigo aga te kolesaga ebo sueibao.

1 Samuel 26:19

Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

Ma Dobola Sali 7:3

Tiali goli, eno te tuni bidide iliyu, tama aga homu tomoba masigi sąwai bidi pedelaibao, tama agai te Arongo po odogobeo. Tama tibaso, eno genuai bomai sę hauwa te Isip tǫde yaibao.

Tigidali Nai Gagalama Nigali Side 50:20

Polobadu dagego ena dolabo homu dąų wali. Tiali goli, Godigo te dwai kolesaga begelali, tama agai te bidi hauwa bidibo ula elaluyu, tama augwali me hagaidali weyu, wiegi yai sę pedalumainu ilali. Tama tialigo da, megi te we bidi dabe bidaluali.

Tigidali Nai Gagalama Nigali Side 45:5

Tiali goli, megi dage homu sęgę me isiąyu, tama dagego duga digi dwai homu te polobadu dagego ena dali dwai kolesaga yalide, te dwai homu me igio. Menio. Godigo digi eno te dage me isidali weyu, te tau somainu te ena polasa tagala palali.

2 Tesalonaika 2:11

Tama tibaso, Godigo augwaligo homu pesegelaibao, tama augwaligo te tibo po wabo mu po dao omainogo yaibao.

Pris Sę Ebo Bomai Po 10:6

Megi da Mosesgo po Aronba mayu, te aga gasa ogwa sibolo te po wali, Eleasar dali Itamar si. Agai augwaliba te tiwai po wali, “Dagego te isali bidi side homu dene ebo kolesaga wali me pigio. Te dagego tobolu nisi yaga tigidali side sao. Te dagego olo elalumainogo me elamuo. Te dagego homu dene ebo dąį iliyu, te duga ugwa me pisągio. Dagego te homu dene ebo kolesaga wali pobaso da, teda Genuai Bidigo dage tigidali ela silama, te Genuai Bidigo te da Israel we bidi tigidaliba wado po dwai mu waibao. Te gasa Israel dabe, te duga deli hani, te Genuai Bidigo isi tagala palama, te elali bidi side augwali gasa Israel dabego naga homu dene emainao.

Israel Hanigo Namba 1:19

Te Genuai Bidigo Mosesbolo wali po dolo tama wali pelama tama tiali. Te we bidi te nai meni yai bulu Sainaide bidibadi, Mosesgo augwaligo nogi selama, tama augwaligo nogi lista nigali.

Tuni Bidi Dabego Po Elalubo Buku Deli 7:2

Te Tolago ogwa dabe nogi da e tama da, Usi, me Refaia, me Jeriel, me Jamai, me Ipsam, me Samuel. Te bidi dabe augwali te Tolago hani dabe te tobolu bidi dabe, tama augwali te bomai ami bidi dabe da. Tama Devit te king bidali sogo, te Tola hanigo bidi 22,600 bidi dabe bidali te ami bidi pedelabo usu yai dao.

Te Israel Tobolu Bidi Dabe 2:14

Tama Genuai Bidigo sębę eyu, tama dwai homu mu elama, tama agai te hwįbo boi bidi dabe me, te nai wi sabo bidi me te aselama, te Israel dabe dali hwįagasomainu ilali, tama augwaligo doado bage dabe me wi sagasomainu yali. Tama Genuai Bidigo te bidalubo boi bidi dabego te augwali aiyaba elalumainu ilali. Tama te Israel dabe augwali bomo elama, dolalu hwįaiyu ebo usu me isiąwai dao.

Te Israel Tobolu Bidi Dabe 2:20

Tama tibaso, Genuai Bidigo te dwai sębę mu te Israel dabe dali eyu, tama wado yali, tama agai te po wali, “Te we bidi augwaligo te augwa wąį dabebolo wali pao wali te dau wali po bolali. Te augwaligo eno po wali me pisąbaso,

Te Israel me Juda Hani Sigo Tuni Bidigo Po Elalubo Buku Si 3:6

Awe, tialima te king Joram aga te Samaria polo taga soyu, tama agai te tigidali ami bidi sisinibo sę yali.

Tuni Bidi Dabego Po Elalubo Buku Deli 7:40

Te bidi dabe te Asergo hani ogomani tama augwali te augwa hani dabede tobolu bidi bidalio. Te polaluali genuai bidi dabe augwali wiegi yai bidi mu tama te bomai ami dabe da. Te Aser hani dabe nogi te bidi dabe augwaligo sisinani sogo, te augwali nedali namba 26,000 bidi te ami bidi pedalobo usu yaibao te homu yai dao.

Tuni Bidi Dabego Po Elalubo Buku Si 32:25

Tama nosali Hesekiago gasi silali, tama agai Genuai Bidigo aga tau siyu yali te sę kone ebeo. Menio. Aga tobolu gagea pelama, tama Genuai Bidibolo buba hwi po wabeo. Tama tibaso, Genuai Bidigo aga dali sębę elama, tama aga dali Juda dabe me Jerusalem we bidi me dolabo homu yali.