2 Samuel 23:9 - Godigo dwagi yai po buku

⁹ Eleasar, te Dodogo ogwa, aga te sela wali genuai nogi elaluali ami bidi dabede te si wali polalubo bidi me deli dao. Aga te Ahohi hani bidi dao. Me sogo deli Eleasar te Devit dali bidai, tama te Israel dabego te Filistia dabe te hwįabo madiba sisinibo suali. Tama te Israel dabego te Filistia dabeba te hwįainu diana sali, tiali goli te Filistia dabe asobaso, te Israel ibaba habu bulu kilasa pai.

2 Samuel 23:9 Referans Kwoze

Tuni Bidi Dabego Po Elalubo Buku Deli 27:4

Dodai te Ahohi hani bidigo te bidi sese umabo 24,000 bidi te namba tu poluade te bidi dabe augwali te sę ebo tonaluali. Miklot aga tudi badu daganalubo si wali bidi bidali.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

Dwagi Yai Gesi Po Makgo Asęani 14:50

Tama aga wali pabo bidi dabe tigidali augwaligo aga taga peyu, tama augwali wi pelawai.

Aisaia 63:5

Ena dwagila mu midiga sayu tonani, te tiwai te ena tau sabo bidi me elalubeo. Tialima, te ena bomogo digi te eno genuai haliga sębęgo me, eno te ena we bidi dabe ma siyu, te eno augwaligo boi dabe aiyaba elaluai dao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.

1 Samuel 17:10

Tama Goliatgo po mu ma weyu, te tiwai po wali, “Odiąo, megi eno dage Israel ami dabe usu saibao. Dagego te ena dali hwįabo bidi me deli nigilao,” wali.

Tuni Bidi Dabego Po Elalubo Buku Deli 8:4

me Abisua, me Naman, me Ahoa,

Kolesaga Koneai Bidigo Pusali Po Elalubo Buku 4:12

Te boi bidigo deli dali hwįbaso, te boi bidigo aga aiyaba elaluabo homu ebao. Tiali goli, boi bidigo bidi si dali hwįbaso te aga usu meni da homu yaibao. Awe, te tiwai me, te augwaligo dila pai hobi sela selama, te haliga tubaso da, teda te haliga polo me togwa pogobeo.