2 Samuel 23:8 - Godigo dwagi yai po buku

⁸ Te Devitgo bomai ami bidi dabego nogi te tama elaluali. Josep Basebet te Takemon hani bidi, aga te nogi elalubo hwįbo bidi selago polalubo ofisa bidi dao. Me sogo deli te Josep Basebetgo te sesemone tolalu, tama te 800 boi bidi dali hwįnama, tama agai tigidali ela muai.

2 Samuel 23:8 Referans Kwoze

Tuni Bidi Dabego Po Elalubo Buku Deli 27:2

Jasobeam te Sapdielgo ogwago te bidi sese umabo 24,000 bidi te polua delide sę ebo tonaluai dao.

Tuni Bidi Dabego Po Elalubo Buku Deli 27:32

Te Jonatan, te Devitgo aga aya sabi bidi da, agai te kingba wiegi yai homu kolesaga mani bidi da, magi baso meni, agai te bomai po bugagia koneama, te wiegi yai kolesaga hauwa koneai mu elaluai. Aga me Jehiel dali si, te Hakmonigo ogwa, augwali sigo te kingo ogwa dabe ola mabo sę elaluai dao.

Te Israel me Juda Hani Sigo Tuni Bidigo Po Elalubo Buku Deli 1:8

Tiali goli, pris Sadok me Benaia, te Jehoiadago ogwa, tama te profet Natan me, Simei me, Rei me, te king tonalubo ami bidi dabe me, augwaligo te Adoniya dali deli homu me ebeo.

Tuni Bidi Dabego Po Elalubo Buku Deli 11:10

Te nogi asęsędulai elalubo da, te Devitgo bomai ami bidi tobolu bidi dabe da. Godigo te tǫ kantri Israelde homu kone palama, te agai bomai po dąų weyu, Devit te king pedalumainu yalio. Te ami bidi dabe augwali dali te tigidali gasa Israelgo me te sę bomo eyu, Devit te king pedelama bomai bidi bidali, te tama tiali kolesagade te Genuai Bidigo aga dąų wali poba mu usu nai dao.

Te Israel Tobolu Bidi Dabe 15:15

Tama agai te tamadi isali ogwa bidi donki me deligo penane dili sulama, tama te agai sali. Tama agai te penane diligo te bidi hauwa umabo te 1,000 bidi ela muai.

2 Samuel 10:7

Te Devitgo te Amon dabego te tama tiwai eyu, te ami bidi dabe sisinibo po odolama, tama agai te Joap dali, te Israel ami bidi dabe tigidali dali tagala palu, te augwaliba boi hwįgi pomainu yali.

Tuni Bidi Dabego Po Elalubo Buku Deli 27:1

Te ede nogi elalubo te Israel hani sibi dabede bidali tobolu bidi dabe nogi da, tama te polalubo bidi dabe badi te gavman ami sę tonalubo sęde bidali ofisa dabe da. Te tobolu bidi dabe augwaligo te 12 te genuai hani bidi te sę ebo tonaluai. Te deli deli hanigo te polua deli deli dabede te sę yali, tama te deli deli hanide te bidi sese umabo 24,000 bidi tonalubo sę elaluai. Te tobolu bidi dabego nogi e tiwai tama elalualio.