2 Samuel 23:6 - Godigo dwagi yai po buku

⁶ Tiali goli, te dwai bidi dabe augwali te sesani yai bono elalubo tiwai yali, te bidi dabego sela sąwaibao. Te bidi mego te tobage sesane yai bono te nogode tolalubaso, te usu me egobeo.

2 Samuel 23:6 Referans Kwoze

Esekiel 2:6

“Tialima nage, te tǫde bidi, nage augwalide wi elama, te augwaligo nageba wabo pode nage wi me igio. Te augwaligo nago po aiyaba elaluama, nage begela dolaibao. Te nage augwali tomode bidiyu, te tiwai dwai haliga yaibao, nage te dwai sesane elalubo bono sili tomode bidibo tiwai yaibao. Ma, nage te dwai marasin elalubo hwą dabe tomode bidibo tiwai elalueibao. Tiali digi tagalao, nage augwalide wi eyu, te augwaligo pode me wi igio. Menio.

Aisaia 33:12

Tama dage te augwaligo kambang isi ulai hogomu tiwai, me augwaligo sesane bono isi ulama, keli hogomu ebo tiwai yaibao.

Solomon 2:2

Eno abagi wali we te gasa we dabe tomode bidali, te plaua te sesane elalubo nosai tomode elalubo tiwai yali.

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.

Bomai Po 13:13

te dage tomode te dwai bidi dabe meba augwa hanude bidalubo we bidi dabe homu kolesaga dolama, tama augwali te tibo god augwali polobadu lotu wasiąwai, te godiba lotu wabao po wabo odoyu da,

Tigidali Nai Gagalama Nigali Side 3:18

Tama te sesane yai ni me te dwai nosa dabe te tǫde pedelaibao. Tama nago te naga gide nai selama, tueibao.

Matyu 13:41

Te Godigo Bidi Mu agai aga sę ebo ensel mobo bidi dabe tagala palama, tama augwaligo te Godigo tonalubo we bidi tomode elalubo dwai dwai sę ilabo kolesaga me, te haniani gasa dwai sę ebo we bidi me, augwali tigidali sisinama

Aisaia 27:4

Megi da, eno te wain gi hagede wado po me wabeo. Ma, eno te gide te sesane yai nosai me gasa dwai nosai dabe tede holobaso da, teda eno augwali doliyu yaibao. Teda eno isi tulama, augwali sese ula silaibao.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

1 Samuel 25:17

Tama tiyu, nago bugagia koneao, megi da, te Devit aga bidi dabe dali asiyu, te dago genuai bidi me te tigidali we bidi dali dolagasaibao. Tama magi naigo nago te yagasobo sę paliabo sunumi te bugagia homu kone palao. Ena nageba asali, magi baso meni, Nabal te hagoma bidi, tama agai te dago po me odogobeo,” wali.

Maika 7:4

Te gasa bidi dabe mebago homugo te augwali wiegi yai doloba pai kolesaga ebo bidi da, te homu yali, Godigo suali, augwali te dwai bidi dabe da wali. Augwali te dwai nosai tiwai, te sesani elalubo bono tiwai yali. Te bodolu si pedalubo sogo, te Godigo aga we bidi dabeba te dwai dene ilaibao homu yali, te agai te profet dabego pedauwalide dąų wali po tiwai gilama yaibao. Godigo tama tibao, te augwa homu kolesaga kone tųą palama, te augwali umuna paibao.