2 Samuel 23:3 - Godigo dwagi yai po buku

³ Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

2 Samuel 23:3 Referans Kwoze

2 Samuel 22:32

“Genuai Bidi naga te God mu da. Agaduba deligo naga da, te genuai masigigo bagualubo tiwai elalubao.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Hibru 1:8

Tiali goli aga Ogwabolo agai te tiwai po wai, “Nage God dao, nage tuni bidi sesemane sogo bidada peyu, bidada paibao. Nago naga we bidi te doloba pai kolesagago tonalubo dao, tama te kolesaga naga ebode nago genuai wiegi yai nogi elalubao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Godigo Nogi Ugwaba Sabo Tęąbi Po Wabo Buku Dabe 72:2

Tama agai te nago we bidi dabe me, te dwai bidi dabe me, te doloba pai kolesagago tonaluaibao.

Godigo Nogi Ugwaba Sabo Tęąbi Po Wabo Buku Dabe 42:9

God da, te ena seselalubo bidi mu dao, tama eno agaba te tama po obao, “Magi baso nago enaba homu kone ebo tagalubawe? Magi baso nago ena te boi bidi dabego elalumainu eyu, tama ena te haliga sęgę emainu ebawe?”

Tigidali Nai Gagalama Nigali Side 33:20

Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.

Jeremaia 23:5

“Ena Genuai Bidi, eno te po obao. Eno te wiegi yai bidi mu me deli te Devitgo hanide pedelabo sogo bodolu mueibao, te ni nologode gesi ni kulubi holobo tiwai yaibao. Te bidi te king bidiyu, agai te wiegi yai doloba pai homu kolesaga wali paibao. Tama agai te tǫde we bidi tigidaliba doloba pai kolesaga mu yaibao.

Aisaia 32:1

Odao, te tuni bidi me deli pedalaibao. Tama te tuni bidi dali, tigidali tǫ pedai kantrigo genuai bidi dabe dali, augwaligo wiegi yai doloba pai kolesaga naga elama, te we bidi dabe tonaluaibao.

Bugagia Bidibo Kolesagade Po Asęai Buku 31:9

Tama naga digi te po tų odobo sogo, nago te doloba pai kolesaga eyu yao. Tama nago te magi nai meni yai te hobedagia bidibo bidi dabe tau sao,” te po wali.

Godigo Nogi Ugwaba Sabo Tęąbi Po Wabo Buku Dabe 110:2

Yawe Genuai Bidi te Saionde bidiyu, tama agai nago te bulu hauwa tonalumainu nigilama, tama agai te po waibao, “Nago naga boi bidi dabe tonaluao,” waibao.

Nehemia 5:14

Ena te Juda gavman polalubo bidi bidibadi, te kibu be nogo si olama, sągągo si bidali, te Artaserksis te kibu be bidi sese deli te king bidibo side gagalasa, te aga kibu be te 32 yia, teba usu nagasalio. Tama te kibu be dabede ena dali, te eno hani daligo te kingo te namba wan gavman te polalubo bidiba mabo te mone selama, te eno nai me abela tubeo.

Ma Dobola Sali 20:2

“Ena digi ena Genuai Bidi Yawe, ena dagego God dao. Eno dage Isipde sali, te bulude kalabus sę ebadi, tama eno dage selama, odasa asai.”

Ma Dobola Sali 3:15

Nago tama po te Israel we bidi dali weyu, te Yawe Genuai Bidi, aga te dagego wąį dabe augwaligo God, te Abraham, me Aisak, me Jekop, te agai nage tagala palama, tama nage augwali bidibo digi asai dao po wao.” Tama Godigo po Moses dali ma wali, “Eno nogi Genuai Bidi, te eno nogi sesemane bidada pabo sogo, tama nosali pedalobo wąį dabe augwaligo ena nogi tama nogi yaibao.”

Te Israel me Juda Hani Sigo Tuni Bidigo Po Elalubo Buku Deli 10:9

Eno te Genuai Bidi te nago God nogi ugwaba sobao. Agai bugai homu nageba ebaso, te nage Israel king pedalumainu ilali. Agai dage Israel te wei ebo homu umabo mu elama, tama agai te godolo eyu, wei ebo homu te me siligobeo. Tama tialima, agai nage te king pedalumainogo ilama, te nago te po tų odobo sę dolo mu naga eyu, tama te Israel dabe te wiegi yai doloba pai kolesagago tonalumainu yali dao,” te Seba kwin wego te po wai.

Jopgo Po Asęani Elalubo Buku 34:17

Ma, Godigo yaide doloba pai kolesaga wei isąnama yali da, teda aga mena tama ma aga king bidiyu yaide e tǫ tonaluaibawe? Tiali goli, God agai genuai bomo elaluyu yaide, tama agai tigidali sogo doloba pai kolesaga naga ebo dao. Tama nago magi baso Tigidali Bomo Elalubo God po tų ela menama, tama dwai sę yali dao po obawe?

Godigo Nogi Ugwaba Sabo Tęąbi Po Wabo Buku Dabe 72:1

God, nago te king doloba pai kolesaga bugagia ola mao. Tama agai te we bidi dabe po tųde bugagia dagalumainao. Nago po tų te doloba pai naga ebo dao, tama nago te king tau sobaso da, teda agai me te doloba pai po tų emainao.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.