2 Samuel 23:22 - Godigo dwagi yai po buku

²² Benaiago te bomai sę dabe yali, tama tiyu, agai te ami bidi selago te genuai nogi elalubo te tobage genuai nogi agai me salio.

2 Samuel 23:22 Referans Kwoze

2 Samuel 8:18

Tama Benaia, te Jehoiadago ogwa, tego te king Devit tonalubo ami bidi dabe te augwa tonalubo sę yali, te augwali Keret me Pelet hani dabe da. Tama te Devitgo ogwa dabe te pris bidi bidai dao.

2 Samuel 23:20

Tama Benaia, te Jehoiada te Kapsel hanu bidigo ogwa, aga me te bomai ami bidi me deli dao. Tama hauwa sogo agai te boi bidi dabe dali bomonama, hwįani. Me sogo deli agai te Moap dabe bomai ami bidi si ela muani. Tama me sogo deli sogode te talua ge tulubage te tǫba tulubo side, Benaia te genuai tǫ dedage me deli aiyaba dulama, tama te bomai hasa laion me deli ela muani.

2 Samuel 23:21

Tama gasa sogo agai te Isip moni dobo dwai bidi me deli ela muani. Te bidigo te sesemone tolaluali, tiali goli Benaiago te ni dage selama, tama aga pąba pelama, tama aga dali hwįani. Tama Benaiago te bidigo sesemone nogode dobola selama, tama aga te sesemonego aga ma enema, ela muai.

2 Samuel 23:23

Agai te sali genuai nogigo te gasa bidi sese olama, nogo si ami bidi dabego te sali genuai nogi te aiyaba elaluali, tiali goli aga te genuai nogi elalubo ami bidi selade te aga deli me kisalubeo. Devitgo te Benaiago te king tonalubo ami bidi dabe tonalumainu nigilali.

2 Samuel 20:7

Tama tialima, Abisaigo te Joapgo ami bidi dabe selama, tama te king tonalubo ami bidi me sali, te augwali Keret me Pelet dabe, tama te tigidali hwįbo bomai bidi me, tama augwa te Jerusalem tagalama, tama pelama, te Seba pobegi pai.