2 Samuel 23:19 - Godigo dwagi yai po buku

¹⁹ Agai te genuai namba mu siyu, tama te genuai nogi elalu, te augwaligo polalubo bidi dabe bidali te agai augwali ela soali. Tiali goli, aga digi aga te ami bidi selade te aga deli me kisalubeo.

2 Samuel 23:19 Referans Kwoze

Matyu 13:23

Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Matyu 13:8

Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

1 Korin 15:41

Te giligago au yali te deli tigi poai elalubo, tama poluago au yali te gasagi yai me, tama te hǫ dabego au te gasagi yai me elalubo. Tama hǫ dabego au me te gasagi gasagi yai elalubao.

Tuni Bidi Dabego Po Elalubo Buku Deli 11:25

Agai te sali genuai nogigo te ami bidi bidi sese deli olama nogo si 30 te gasa ami dabego elalubo bomo aiyaba elaluali, tialima aga te genuai nogi elalubo ami bidi selago nogi tiwai agade me elalubeo. Devitgo Benaia dąį ilama, te kingo be tonalubo ami bidi hani dabe tonalubo bidi nigilai dao.

2 Samuel 23:16

Te bomai ami bidi selago te tama po wabo odama, tama augwali hogodama, palio. Te Filistia dabego te Betlehem hanu tonalubo te wi homu me isiąma tagalali, te bidi selago augwali dega palama, tama augwali pelama, Devitgo te po wali ulu wę tugi pai. Tama augwa te wę selasa aselama, te Devitba magasali. Tiali goli, aga te wę tuabo homu me ebeo. Menio. Agai selama, tama Genuai Bidiba te ofa tiwai eyu, gelali.

2 Samuel 23:13

Te Devitgo ami bidi dabego tobolu bidi meba elaluali, tama augwa te hani dabe nogi poyu, te 30 bomai ami bidi dabe da po wali. Tama me sogo deli Devit te genuai tǫ dedage te Adulam bulu dude bidibadi, tama te 30 wali bomai ami bidi dabede te ami bidi me selago te Devit aga sugi pali. Te nai inilama tau yai sabo sogo tama tiali. Tama te sogo me te Filistia ami bidi meba te Refaim bulu odogoba dulama, tama augwa bidibo pesage tede nigilama bidali.

2 Samuel 23:9

Eleasar, te Dodogo ogwa, aga te sela wali genuai nogi elaluali ami bidi dabede te si wali polalubo bidi me deli dao. Aga te Ahohi hani bidi dao. Me sogo deli Eleasar te Devit dali bidai, tama te Israel dabego te Filistia dabe te hwįabo madiba sisinibo suali. Tama te Israel dabego te Filistia dabeba te hwįainu diana sali, tiali goli te Filistia dabe asobaso, te Israel ibaba habu bulu kilasa pai.

2 Samuel 23:18

Abisai, aga te 30 bomai ami bidi dabego polalubo ofisa bidi da wali. Aga te Joapgo ama, tama augwa si ida te Seruia dao, te we da te Devitgo abe dao. Me sogo deli sogode Abisaigo te aga sesemone tulama, tama te 300 boi bidi dali hwįnama, tama tigidali ela muai. Tama aga te sela ami bidi dabego sali genuai nogi tobage te agai me salio.

2 Samuel 23:20

Tama Benaia, te Jehoiada te Kapsel hanu bidigo ogwa, aga me te bomai ami bidi me deli dao. Tama hauwa sogo agai te boi bidi dabe dali bomonama, hwįani. Me sogo deli agai te Moap dabe bomai ami bidi si ela muani. Tama me sogo deli sogode te talua ge tulubage te tǫba tulubo side, Benaia te genuai tǫ dedage me deli aiyaba dulama, tama te bomai hasa laion me deli ela muani.