2 Samuel 23:18 - Godigo dwagi yai po buku

¹⁸ Abisai, aga te 30 bomai ami bidi dabego polalubo ofisa bidi da wali. Aga te Joapgo ama, tama augwa si ida te Seruia dao, te we da te Devitgo abe dao. Me sogo deli sogode Abisaigo te aga sesemone tulama, tama te 300 boi bidi dali hwįnama, tama tigidali ela muai. Tama aga te sela ami bidi dabego sali genuai nogi tobage te agai me salio.

2 Samuel 23:18 Referans Kwoze

2 Samuel 10:14

Tama te Amon dabego te Siria dabe wi pabo subo sogo, augwali me te Abisaigo hanide wi peyu, tama te augwa taun bagulali obo tomoba pelama, geme duala sigi pali. Tialima, Joapgo te Amon dabe tagalama, te aga ami bidi dabe selama, te Jerusalemba ma geasa palio.

2 Samuel 10:10

Tama agai aga ama, Abisai, nigilama, te agai gasa ami bidi dabe tonalumainu nigilali, tama Abisaigo augwali te Amon dabe bidalubo pąde wasilali.

2 Samuel 18:2

Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.

Tuni Bidi Dabego Po Elalubo Buku Deli 2:16

Tama me Jesigo wegi si elaluali, Seruia me Abigel. Seruiago ogwa sela ame nani, Abisai, me Joap, me Asahel.

2 Samuel 20:10

Tama Joapgo te bainat hwą me deli te pobase nogode tolaluali, tiali goli Amasago te bainat hwą subeo. Tama Joapgo Amasago haligade te hwągo enama, tama agai haliga tigidali dįąsa soyu, te tǫba tulaluama, tama polo tama aga isai. Tama tibaso, Joapgo te hwągo aga ma enebeo. Joapgo te Amasa ela munama da, teda aga dali, te aga ama Abisai, augwali sigo te Seba pobeasa palio.

2 Samuel 3:30

Apnergo te Asahel elali, te Joap de Abisai sigo ama, te polobadu te Gibeonde hwįani digi da. Tama tibaso, augwali sigo te augwa si ama isali te wei ponoyu, tama augwali sigo te Apner ela muani.

2 Samuel 2:18

Te Devit aga abe Seruiago ogwa sela, te Joap, me Abisai, me Asahel, augwali me te hwįbode bidali. Asahelgo udabo te bulu uni hasago bomo elama, mu udabo te tiwai yai dao.

2 Samuel 23:19

Agai te genuai namba mu siyu, tama te genuai nogi elalu, te augwaligo polalubo bidi dabe bidali te agai augwali ela soali. Tiali goli, aga digi aga te ami bidi selade te aga deli me kisalubeo.

Kolesaga Koneai Bidigo Pusali Po Elalubo Buku 4:12

Te boi bidigo deli dali hwįbaso, te boi bidigo aga aiyaba elaluabo homu ebao. Tiali goli, boi bidigo bidi si dali hwįbaso te aga usu meni da homu yaibao. Awe, te tiwai me, te augwaligo dila pai hobi sela selama, te haliga tubaso da, teda te haliga polo me togwa pogobeo.