2 Samuel 23:13 - Godigo dwagi yai po buku

¹³ Te Devitgo ami bidi dabego tobolu bidi meba elaluali, tama augwa te hani dabe nogi poyu, te 30 bomai ami bidi dabe da po wali. Tama me sogo deli Devit te genuai tǫ dedage te Adulam bulu dude bidibadi, tama te 30 wali bomai ami bidi dabede te ami bidi me selago te Devit aga sugi pali. Te nai inilama tau yai sabo sogo tama tiali. Tama te sogo me te Filistia ami bidi meba te Refaim bulu odogoba dulama, tama augwa bidibo pesage tede nigilama bidali.

2 Samuel 23:13 Referans Kwoze

2 Samuel 5:18

Tama te Filistia dabe aselama, augwali te bulu pesage Refaim odogoba sabolama, tama augwali tede bidaluai.

1 Samuel 22:1

Devitgo te taun Get tagalama, tama aga wi pelama, te taun Adulam pąba pelama, tama te genuai bulu du ola be me delide bididuali. Te aga ama dede dali te aga hani bagego aga te bulude bidibo po odobaso, teda augwali pelama, aga dali bidigi pai.

Maika 1:15

Dage te Maresa we bidi, te Genuai Bidigo dage te boi bidi dabego nogoba munama, te dagego taun augwaligo saibao. Tama te Israel polaluali tobolu bidi dabe te Adulam masigi ola beba geme wi duala sigi peyu, ela paibao.

Aisaia 17:5

Megi te Israel dabe te wit nai hauwa te odogo malu Refaimde bulubo wit hauwa holobo ąǫ te ebao. Tiali goli, augwali boi bidigo dabego elebo si da, teda augwali te wit dili bidigo togai deli deli dolalua pabo tiwai yaibao, te wit gide.

Tuni Bidi Dabego Po Elalubo Buku Deli 14:9

Te Filistia dabe augwali te odogo bulu Refaimba dulama, tama augwaligo te bulude bidibo we bidi augwaliba dwai sę ilalio.

2 Samuel 5:22

Tiali goli, nosali te Filistia dabe ma geasa aselama, te Refaim bulu odogode bidali.

Josua 15:35

Jarmut, Adulam, Soko, Aseka,

Josua 12:15

Lipna, Adulam,