2 Samuel 22:6 - Godigo dwagi yai po buku

⁶ Te isabogo ena pąde tola selama, tama ena te gų pageba painu yali. Te umben wago ena tola selama, tama ena te wi pabo usu isiąbo tiwai yalio.

2 Samuel 22:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 116:3

Isibogo te bonogo ena kębo tiwai yali. Eno te isibo bidi dabego pesageba homu kone ebode, tama tego ena wi mu ilama, tama ena gasa homu tedali mu yai dao.

Godigo Sęba Tagala Palai Bidigo Po 2:24

Tiali goli, Godigo te bidi ma hodolobaso, tama aga ma hodaloai dao. Bidi isibo sęgo Jisas kalabus usu isąbaso, aga dene hauwa dali isama, Godigo agade te dene silali.

Jona 2:2

Agai te po wai, “Genuai Bidio, eno sęgę tolali, tama eno nagebolo i wali, tama nago eno i wabo odali. Ena te isibo bidi dabe dwai bulude bidibaso, tama eno nageba gela wali. Tama nago eno gela wabo odai dao.

Bugagia Bidibo Kolesagade Po Asęai Buku 14:27

Te Genuai Bidide wi elama, aga dologoba pelama bidibo kolesaga te bidibo ula mabo ulu wę tiwai ebao. Te kolesagago te bidi tau siyu, te aga dolainu ebo naigo te aga ela soaibao.

Bugagia Bidibo Kolesagade Po Asęai Buku 13:14

Te wiegi yai homu koneani kolesaga elalubo bidigo po te bidibo ula mabo wę tiwai yai. Te pogo te bidi tau siyu, te aga dolainu yali nai te ela paibao.

Bugagia Bidibo Kolesagade Po Asęai Buku 5:22

Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

Godigo Nogi Ugwaba Sabo Tęąbi Po Wabo Buku Dabe 140:5

Te hagoma ebo bidi dabego te ena tola somainu ebo bono gągą munama, elalubao. Te bono gągą augwa te bomai kedoago nigai, augwaligo te ena bilibo sunumide gebelama, te ena te hasa tiwai gilama sainu yali.

Godigo Nogi Ugwaba Sabo Tęąbi Po Wabo Buku Dabe 18:5

Te pąde ena isainu yali, te bonogo ena bomonama kęnani tiwai yali. Te gų pagego ena dalainu tonaluai.

Jopgo Po Asęani Elalubo Buku 36:8

Tiali goli, dwai sogo pedalama, mani sęgęgo te we bidi mesegelama, tama augwali nogo aligabo bono duani tiwai bidibo dao.

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.