2 Samuel 22:47 - Godigo dwagi yai po buku

⁴⁷ “Genuai Bidi sesemane sogo bidibao! Aga te genuai masigigo ena bobegelalubo tiwai yali, tama dago aga nogi ugwaba sao. Godigo ena tau siyu, tama ena ma sali, tama dago aga genuai nogi ugwaba sao.

2 Samuel 22:47 Referans Kwoze

Godigo Nogi Ugwaba Sabo Tęąbi Po Wabo Buku Dabe 89:26

Tama agai enabolo te tama po waibao, ‘Nage Aya me eno God dao. Nago ena tonalu, tama ena sesemane tau sabo dao.’

2 Samuel 22:3

God te genuai masigi tiwai, te ena agaba pelama, te boi bidi dabede geme duala sigi pabo masigi tiwai elalubao. Genuai Bidi te eno sabele tiwai elalu, tama ena te boi bidi dabede geme dualalubo tiwai ebao. Agai te ena ma dobola selama, tama ena tonalubo bomo elalubao. Aga te bomai obo, tama ena dualalubo pesage da. Genuai Bidi, nago ena tau mabo bidi, tama ena dolainu ebo sogo tama nago ena ma dobola sabo dao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Dwagi Yai Gesi Po Lukgo Asęani 1:47

Tama eno nomago ena tau sabo Godibolo bugai homu mu ebao. Te ena agai sę ebo we da.

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

Godigo Nogi Ugwaba Sabo Tęąbi Po Wabo Buku Dabe 89:27

Tialima, te eno polalubo gomunai wai aga munama, tama aga te polalubo king pedelama, te tigidali tǫde king aiyaba elalueibao.