2 Samuel 22:32 - Godigo dwagi yai po buku

³² “Genuai Bidi naga te God mu da. Agaduba deligo naga da, te genuai masigigo bagualubo tiwai elalubao.

2 Samuel 22:32 Referans Kwoze

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

Bomai Po 32:31

Te boi bidi dabe augwaligo koneani da, augwaligo tibo god dabego bomo menio homu yali. Tiali goli, Israel dabego Godigo genuai bomo te genuai masigi deli tiwai dao.

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Aisaia 45:21

Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.”

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

2 Samuel 7:22

“Tigidali Nai Tonalubo God, Genuai Bidi, nage te polalubo bidi mu bidibao! Te nage tiwai me elalubeo. Nage deli te God mu bidibo, te dago nǫų wąį dabego pedauwalide odali po tiwai odobo dao.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,