2 Samuel 22:3 - Godigo dwagi yai po buku

³ God te genuai masigi tiwai, te ena agaba pelama, te boi bidi dabede geme duala sigi pabo masigi tiwai elalubao. Genuai Bidi te eno sabele tiwai elalu, tama ena te boi bidi dabede geme dualalubo tiwai ebao. Agai te ena ma dobola selama, tama ena tonalubo bomo elalubao. Aga te bomai obo, tama ena dualalubo pesage da. Genuai Bidi, nago ena tau mabo bidi, tama ena dolainu ebo sogo tama nago ena ma dobola sabo dao.

2 Samuel 22:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 9:9

God te bomai be me deli tiwai. Te bidi dabe te boi bidide sęgę sobaso, augwa te agaba aselama, bidagasobo dao. Te sęgę sabo augwa te agaba pelama, te geme dualalubo dao.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Bugagia Bidibo Kolesagade Po Asęai Buku 18:10

Genuai Bidi te bomai be me deli elalubo tiwai ebao. Te doloba pai kolesaga ebo bidi dabe augwa te beba udula sobaso, tama bugagia bidaibao.

Bugagia Bidibo Kolesagade Po Asęai Buku 30:5

“Godigo po te mu po naga dao. Te agai yaibao po wali sę tigidali, te mu pedelai. Tama agaba pabo bidi tigidali te agai bugagia obo elaluyu, te hwįbo sogo te ami bidi te sabelego bugagia tigi bea sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 18:2

Genuai Bidi agai ena tau sabo da. Aga te eno bomai obo tiwai da. Genuai Bidigo ena tonalubaso, tama te boi bidi dabego ena me dologobeo. Genuai Bidi te hwįbo sabele tiwai elama, tama ena geme seselalubo. Agai te ena ma selama, tama ena tonaluabo bomo elalubo dao.

Bomai Po 33:29

Te Israel dabe, dage wiegi yai homu pemene mu yao. Genuai Bidigo dage tau selama, ma oda sali tiwai, agai gasa we bidi hani me tau sai menio. Genuai Bidi aga digi te dagego awa tiwai elama, me dagego moni ge hwą tiwai dao. Agai dage obo ela selama, tama dagego wąbi hwįbode dagego gasa bidi dabe elalumainu ilibo dao. Dagego boi bidi dabe dageba aselama, tama dagego augwali hobede emainogo dageba gela wagasaibao. Tiali goli, dagego augwali agalama, tama augwali aiyaba elaluaibao,” Mosesgo te po wai.

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Hibru 2:13

Tama agai po ma wali, “Te eno digi agade konealubo homu mu dąų waibao.” Tama agai po ma weyu te po wai, “Ena digi bidibo, suao. Tama Godigo ena mani we bidi dabe, augwali me ena dali bidibao, te wai dabe tiwai bidibao.”

Dwagi Yai Gesi Po Lukgo Asęani 1:69

Tilama, agai da ma abelai dao. Polobadu aga sę yali bidi Devitgo eda dadalo asali hanide bomai bidi me deli pedelama, te bidi Godigo da ma sabo bidi nigilai dao.

Godigo Nogi Ugwaba Sabo Tęąbi Po Wabo Buku Dabe 144:2

Agai te ena godolo ebo God da, tama ena sesemane bobegelalubo dao. Tama aga te geme duala sabo pesage elalu, te ena ma sali. Eno konealubo homu agaba kęą pobaso, tama agai ena bugagia bidimainu ebo dao. Agai te Israel hani isąwai we bidi dabe aiyaba elaluama, ena dologoba munama, bidibo dao.

Godigo Nogi Ugwaba Sabo Tęąbi Po Wabo Buku Dabe 59:16

Tiali goli, eno te nago genuai bomode te tęąbi weyu yaibao. Te tigidali sogo kigamude te eno tęąbi genuai weyu, te nago ena sesemane sogo godolo ebode te homu paliyu tiaibao. Magi baso meni, te haniani sęgę dabe polobadu enaba pedelali, tama nago ena bugagia tonalu, tama nage te eno obo tiwai elalubo dao.

Godigo Nogi Ugwaba Sabo Tęąbi Po Wabo Buku Dabe 14:6

Te dwai sę ebo bage augwaligo te nai meni yai bidi dabego yainogo ebo sę dali gisugu mabo dao. Tiali goli, Genuai Bidigo te nai meni yai bidi dabe augwali bugagia tonalubo dao.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Godigo Nogi Ugwaba Sabo Tęąbi Po Wabo Buku Dabe 140:4

Genuai Bidi, nago ena bugagia tonaluao. Tama tiyu, te dwai sę ebo bidi dabego bomogo ena aiyaba elaluainu ebaso, usu me egobeo. Nago ena bobogela selama, tama te hwįabo bidi dabego ena dolabo po miani, te augwaligo te tama me tegobeo.

Godigo Nogi Ugwaba Sabo Tęąbi Po Wabo Buku Dabe 55:9

Eno suali, te bidi dabego te taun tomode hwįbo suali. Tama tialima, Genuai Bidi, nago augwaligo po kone tuą palumainu elama, tama augwali mu silimainogo yao.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Dwagi Yai Gesi Po Lukgo Asęani 1:71

God agai polobadu agai da boi bidigo nogode ma saibao wali po te sabao, te da dali dwai homu ebo bidigo nogode me agai da sali.

Godigo Nogi Ugwaba Sabo Tęąbi Po Wabo Buku Dabe 140:11

Te gasa bidi odolali po tų ilibo bidi dabe, nago augwaligo te po tųde gasa bidi aiyaba elalumainu me elamuo. Tama eno homugo te dwai nai te hwįbo bidi dabeba pedelama, tama bomonama eyu, augwali mu silimainu homu ebao.

Godigo Nogi Ugwaba Sabo Tęąbi Po Wabo Buku Dabe 140:1

Genuai Bidi, nago ena te dwai sę ebo bidi dabego nogode ma sao. Awe, te dwai hwįbo bidi dabego enaba boi bidi me idali weyu, nago ena tau sao.

Godigo Nogi Ugwaba Sabo Tęąbi Po Wabo Buku Dabe 86:14

God, megi te hagoma ebo bidi dabe meba aselama, tama ena dali hwįainu ebao. Te dwai sę ebo bidi dabego te bidi hasi homu dene eyu, tau sabo kolesaga eyu, me sogobeo, tama augwali sisinama, ena ela muainu yali. Augwaligo te nago po wali me pisąwai, augwaligo te sela sąyu naga ebo dao.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Godigo Nogi Ugwaba Sabo Tęąbi Po Wabo Buku Dabe 84:9

God, nago dago kingba wiegi yai sę yao. Naga digi aga sa mubaso, tama aga te king bidibao.

Godigo Nogi Ugwaba Sabo Tęąbi Po Wabo Buku Dabe 72:14

Te dwai sę ebo bidi dabego augwali elaluama, tama augwali dolainu ebaso da, agai augwali ma siyu ebo dao. Agai augwali godolo elama, wei ebaso te tiwai eyu ebo dao.

Godigo Nogi Ugwaba Sabo Tęąbi Po Wabo Buku Dabe 71:7

Te we bidi hauwago ena sulama, tama eno ebo sę dabede te augwali homu hauwa dogia pai. Tiali goli, te eno bomogo me ebeo. Menio. Nago naga te ena tonalubo bomo mu ebo dao.

Godigo Nogi Ugwaba Sabo Tęąbi Po Wabo Buku Dabe 61:3

Magi baso meni, nago naga ena te bugagia seselalubo dao. Nage naga te eno bomai obo elalubao, tama tiyu, te boi bidi dabego ena me dolainu ebaso, te usugobeo.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Godigo Nogi Ugwaba Sabo Tęąbi Po Wabo Buku Dabe 28:7

Godigo naga ena seselaluyu, tama ena bobegela sai elalubo dao. Tama tiyu, eno konealubo homu agaba muani da. Genuai Bidigo ena tau sobaso, tama eno wiegi yai homu pemene agaba ebao, tama eno aga nogi ugwaba sabo balia po dabe obao.

Godigo Nogi Ugwaba Sabo Tęąbi Po Wabo Buku Dabe 27:5

Te dwai sę enaba pedalubo sogo, teda agai ena te agai beba geme dualaibao. Te aga wiegi yai beba te sunumi paliama, tama ena geme bugagia mu dualaibao. Te agai ena te genuai masigi mu me deli te daiba dualama, tama ena bugagia bidaibao.

Godigo Nogi Ugwaba Sabo Tęąbi Po Wabo Buku Dabe 5:12

Genuai Bidi, nago po wali pabo bidi dabeba te nago wiegi yai nai mayu ebo da. Awe, nago augwali geme dualiyu, tama augwali bugagia mu tonalu ebo da, te bidi te awago te seselaluyu, te bugagia bidibo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 3:3

Tiali goli, menio. Genuai Bidi naga digi te nago ena geme dualubo awa tiwai ebo dao. Nago naga ena te augwali aiyaba elalumainu ebo dao. Awe, nago naga te eno homu sęgę sela sąyu, tama eno tobolu ugwaba sabo dao.

2 Samuel 22:51

“Genuai Bidigo ena Devit te king pedalumainu nigilali. Tama sesemane sogo eno te boi bidi dabe aiyaba mu elalumainu ilali. Sesemane sogo agai ena godolo mu eyu, tama agai eno hani nosali pedalubo bage me te godolo homu yaibao.”

2 Samuel 22:49

Tama agai ena te boi bidi dabego nogode ma dobola sai. Genuai Bidi, nago enaba te we bidi dabego gedude genuai nogi manio. Nago ena tau sobaso, tama te hwįbo bidi dabego ena me ela mubeo.

1 Samuel 2:1

Tama Hanago God dali te tiwai po wai, “Genuai Bidi, nago ena wiegi yai homu pemene umabo emainu ilali. Tama nago te genuai nogi enabolo mani, te eno homu wiegi yai pemene mu ebao. Tama eno te ena boi bidi dabede te gisugu dwai mu mobao. God, nago ena tau sali, tama eno haliga bugagia mu ebao.

Bomai Po 32:37

Tialima, Genuai Bidigo aga we bidibolo te po walaibao, ‘Dagego homugo te tibo god dabego bomo elalubao, dage tau saiba homu ebawe? Tiali goli, megi da, magi yaliwe?

Taitus 3:6

Te Jisas Krais da, dena ma dobola sabo bidi, te agai sęde Godigo aga Mobo Bidi dabolo mu mawai dao, te bidi mego ąį hauwa gea palobo tiwai eyu tama Godigo aga Mobo Bidi dabolo mani.

Taitus 3:4

Tiali goli, God aga da, te da ma dobola sabo bidi dao. Tama agai da dali yabo tau sabo kolesaga dali, aga da godolo ebo kolesaga me, te si hania pedalali sogo,

Dwagi Yai Gesi Po Lukgo Asęani 1:47

Tama eno nomago ena tau sabo Godibolo bugai homu mu ebao. Te ena agai sę ebo we da.

Jeremaia 16:9

Magi baso meni, ena, dage Israelgo God dao, ena te Tigidali Bomo Elalubo Genuai Bidi, eno po dolo obao, te tǫde we bidi dabe me bidigobeo. Te bugai haliga ebo me, pemene homu ebo kolesaga me, te bidi dabego gesi we sabo kolesaga me, te tigidali mu silaibao. Dage megi tama bidibo we bidi hani, te dagego te sę pedalubo sueibao,” te po wai.

Aisaia 45:21

Dage tigidali we bidi, dage aselama, dagego po te po tųba pusagasao. Dagego duga haside digi hanalu, te gega suyu bolo yao, mena god mugo te polobadu mu po wali sę po te megi tama pedalubo dawe? Ena Genuai Bidi, ena deligo naga eno te nai dabe pedelaiba po pusali. Tama suao. Te gasa god munu me bidibeo. Ena te doloba pai kolesaga naga ebo God, eno te ena we bidi dabe ma dobola sabo God da, enaduba deli naga ena bidibo dao.”

Godigo Nogi Ugwaba Sabo Tęąbi Po Wabo Buku Dabe 32:7

Nagede naga ena duala sabo pesage elalubao. Nago ena tonalubaso, tama te sęgęgo ena aiyaba me elalugobeo. Awe, nago ena te sęgęde siyu yali, tama tede te eno balia po genuai mu wabo dao.

Godigo Nogi Ugwaba Sabo Tęąbi Po Wabo Buku Dabe 142:4

Eno ena pąde tonono bilali, tiali goli, te ena tau sabo bidi me elalubo te eno me subeo. Ena menaba wi pogowe? Te enade homu kone palobo bidi meni.

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

2 Samuel 22:31

Te Godigo kolesaga wiegi yai mu elama, tama tigidali dolo mu elalubao. Tama agai po te mu po naga wabo da. Genuai Bidi te hwįbo sabele tiwai elama, tama agai te agaba pabo bidi tigidali bugagia tonalu, tama augwali te boi bidi dabede geme wi dualalubo dao.”

2 Samuel 22:47

“Genuai Bidi sesemane sogo bidibao! Aga te genuai masigigo ena bobegelalubo tiwai yali, tama dago aga nogi ugwaba sao. Godigo ena tau siyu, tama ena ma sali, tama dago aga genuai nogi ugwaba sao.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Ma Dobola Sali 15:2

Genuai Bidigo digi ena bomo ilali, tama eno tęąbigo aga nogi ugwaba saibao. Agai ena ma dobola sali, aga da te eno God mu dao, tama eno aga nogi ugwaba sobao. Tama aga te eno ayago God, tama agai genuai nogide eno tęąbi po waibao.

Godigo Nogi Ugwaba Sabo Tęąbi Po Wabo Buku Dabe 9:10

God, te nageba asobo we bidi te nago augwali tudiba munu me mugobeo. Tama tibaso, te nage koneani bidi dabego da, te nageba konealubo homu dąų mu wabo dao.

Godigo Nogi Ugwaba Sabo Tęąbi Po Wabo Buku Dabe 46:2

Tama tiyu, te haniani sę dabe pedalubo side, te dago wi me elamuo. Tǫ te mali eyu aluaibao, tama te bulu du dabe te tamu ąį tomoba degasa dulaibao.