2 Samuel 22:26 - Godigo dwagi yai po buku

²⁶ “Genuai Bidi, te bidi mego nage me tagalisiąbaso da, teda nago aga me tagalugobeo. Te bidigo doloba pai kolesaga eyu, tama dwai sę me elalusiąbaso da, teda nago agaba te doloba pai kolesaga naga wei ponobo dao.

2 Samuel 22:26 Referans Kwoze

Matyu 5:7

Te gasa bidi dabe augwali dali homu dene eyu augwali olo mu tau sabo we bidi dabe, te augwali homu pemene wiegi yai emainao. Te Godigo augwalibolo me te homu dene eyu olo mu tau sabo kolesaga yaibao.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

2 Samuel 22:27

Te bidi me deligo te wiegi yai kolesaga wali peyu da, teda nago agaba te nago wiegi yai kolesaga ola mobao. Tiali goli, bidigo te dwai kolesaga wali pobaso da, teda nago agaba dwai kolesaga wei ponaibao.