2 Samuel 21:7 - Godigo dwagi yai po buku

⁷ Te Genuai Bidigo nogide, Devitgo te Solgo ogwa Jonatan dali te bomai po dąų wali, tama megi da, agai te dąų wali bomai po te homu kone ma palali. Tama tiyu, agai te Mefiboset sabeo, te Jonatango ogwa, tama te Solgo wąį, tama te Gibeon dabeba mabeo. Menio.

2 Samuel 21:7 Referans Kwoze

2 Samuel 4:4

Jonatan, te Solgo ogwago, te ogwa me deli elaluali, aga nogi te Mefiboset. Te Sol me Jonatan isali sogo, te Jesril dabego te Jonatango hani sibiba po ola tolali. Te sogo te Mefibosetgo kibu be a naga elaluali. Augwa te po odobo si da, teda te Mefiboset tonaluali wego te Mefiboset ąųwą selama, wi pali. Tiali goli, aga asesa polo mu udawali digi, tama Mefiboset tulaluama, tama dolama, te sągą dwai pedelali.

1 Samuel 23:18

Tama Genuai Bidigo gedude, augwa si te abagi mu olama, sesemane sogo bidabo te bomai dąų walubo po ma wali. Tama nosali Jonatan aga buluba ma begasa peyu, tama Devit te bulu Horesde me bididuai.

1 Samuel 20:15

Tama sesemane sogo nago eno wai hani sibiba me te wiegi yai bugagia ilao. Nago dwai sę augwaliba me elamuo.

1 Samuel 18:3

Tama Jonatango Devit godolo homu mu ebaso, tama tiyu, agai bomai po me deli Devitba dąų walali, te agai Devit godolo ebo homu te sesemane elalubao. Tama Devitgo me Jonatanba te tiwai po naga wai, tama augwali si te age name si tama bidai.

2 Samuel 9:10

Tama tibaso, nage dali, te naga ogwa dabe me, te naga sę ebo bidi dabe me, te tǫde gi buluiąo. Tama dagego te gide inayu tau yai nai selama, tama selasa asiąo. Tama tiyu da, te Solgo hani sibi te augwa nai elalueibao. Tiali goli, Mefiboset aga da te ena dali sesemane sogo nai tuagasu daibao,” Devitgo te po wali. Te bidi Sibago ogwa te 15 elaluyu, me te sę bidi dabe te bidi sese tama elaluali.

1 Samuel 20:8

Eno koneani, ena te olo bage nai tiwai yali, tiali goli nago ena wiegi yai bugagia ilao, magi baso meni, te Genuai Bidigo gedude nago te bomai po me deli dąų walu, te ena nago abagi mu sesemane sogo bidaibao po wai. Tiali goli, eno dwai sę elama, tama eno te sę yali sęgę elalubaso da, teda nago digi ena ela muagameo. Tiyu, nago ena te naga aya bidibo madi selama, pelama, te agai ena ela muidalio,” Devitgo te po wali.

1 Samuel 20:42

Tialima, Jonatango Devitbolo te po wai, “Nage te wiegi yai homu nagame dali pao. Dago te Genuai Bidigo nogide te po dąų waliyu, te dena digi dena bugagia wiegi yai sesemane sogo ilao, tama nago hani me eno hani nosali pedalubo bage me, augwa me te tobage deli kolesaga emainu yaibao. Tama Genuai Bidigo dago te dąų walubo po odali, tama dago wali paibao.” Agai po ola siminama, tama Devit gasaba peyu, tama Jonatan te taunba ma begasa palio.

1 Samuel 20:17

Tama Jonatango Devitba ma weyu, te Devitgo aga sesemane sogo godolo homu ebo bomai po dąų wao po wali. Magi baso meni, Jonatango te Devit godolo homu mu yali, te aga digi aga godolo homu ebo tiwai yai. Tama Devitgo te Jonatango wali po tiwai gilama te bomai po dąų walali.

2 Samuel 19:25

Mefibosetgo te Jerusalem taga soyu, tama aselama, te kingba sabolai. Tialima, kingo agaba te tama po hanalu wai, “Mefiboset, magi baso te nage ena dali wi pabewe?” te po wai.

2 Samuel 16:4

King Devitgo te tama po odolama, tama aga te Sibabolo te tama po wai, “Mu da, agawe? Tialima, megi eno te Mefibosetgo doado bage tigidali te nageba mawaibao,” wali. Tialima, Sibago Devitba te tama po wali, “Ei, king, ena te nago olo sę ebo bidi tiwai me deli dao. Tama eno homugo te eno ebo sę tigidaligo te nago homu wiegi yai pemene ilaibao,” wali.

2 Samuel 9:7

Tama Devitgo te tama po wali, “Nage wi munu me elamuo. Eno nago aya Jonatan te homu kone me elalubadi geani, tama tiyu, eno te wiegi yai kolesaga nageba yabo homu ebao. Te eno nageba te nago nǫų wąį Solgo tǫ tigidali te nageba mawaibao. Tama tigidali sogo nage te enaba naga aselama, nai tuagasu yagameo,” wali.

1 Samuel 20:12

Augwa si teba sabolama, tede Jonatango Devitbolo te tiwai po wali, “God, te da Israelgo Genuai Bidi, te dago e wabo po odomainao. Tama eno tibo po weyu da, teda agai enaba te dene momainu yaibao. Do, ma duba, e tiwai tobage sogo, eno ayabolo te nagede po hanalu waibao. Tama agai nagede usu da po obaso da, teda eno nageba po ola tolaibao.

2 Samuel 9:1

Devitgo te tama po te bidi dabebolo hanalu wali, “Te Solgo hani sibi bage meba elalubawe, ma meniwe? Te elalubaso da, teda eno augwali wiegi yai bugagia ilainu homu yali, te Jonatango wiegi yai kolesaga enaba yali te wei ponainu tiaibao,” wali.

Kolesaga Koneai Bidigo Pusali Po Elalubo Buku 8:2

Eno te tama po obao, nago te kingo po wali pao. Nago te Godigo gedude te bomai po dąų waliyu, nago te kingo wabo po wali paibao po wai dao. Nago te bomai po dąų wali te homu kone palama, tama nago te kingo po me sela sąnamu dao.

1 Samuel 24:22

Tialima, Devitgo bomai po dąų walali. Tama Sol aga buluba ma geasa peyu, tama Devit aga bidi dabe dali te geme dualaluali pesageba ma geasa pai.

2 Samuel 9:6

Te bidi aga nogi te Mefiboset dao. Aga te Jonatango ogwa, tama te king Solgo ogwago wai, te aga nǫų wąį dao. Te aga sabalubo sogode, teda aga kidu sugunugulama, tama aga gesabidi tǫba pogulama, te Devitgo nogi ugwaba siyu tama tiali. Tama Devitgo agabolo te tama po wali, “Mefiboset, siade dao.” Tama Mefibosetgo te tama po wali, “King o, ena naga sę bidi naga dao.”