2 Samuel 21:6 - Godigo dwagi yai po buku

⁶ Tama tibaso, dago homugo te nago dabolo te Solgo hani sibigo bidi te a naga olama, me si, te tama bidi dabolo momainu homu ebao. Tama dago augwali te bulu Gibeaba sela paibao, magi baso meni, Gibea te Solgo page bulu dao, te king te Genuai Bidigo nigilali. Tama te God Genuai Bidigo gedude te dago augwali te niba walama, tama augwali isimainu yaibao,” te Gibeon bagego te po wai. Tama Devitgo augwaliba te tama po wai, “Tialima, te eno augwali dageba mawaibao,” wai.

2 Samuel 21:6 Referans Kwoze

1 Samuel 10:24

Tialima, Samuelgo te we bidibolo te po wai, “Te Genuai Bidigo sa muyu nigilali bidi suao. Te tobage bidi tiwai me deli te da tomode me menio.” Tama tigidali bagego po dagą genuai olama, i weyu, te tiwai wai, “Aga te dago king bidi dao. Aga te kibu be hauwa te king bidimainao!” wali.

1 Samuel 11:4

Nahasgo te Jabes dabego pode usu da po obaso, tama augwaligo te bidi meba te gasa Israel hani dabeba tagala palai. Te bidi dabe te Sol bidibo madi te Gibeaba sabolama, tama augwaligo te we bidibolo te po pusai. Te Gibea dabego odama, tialima, te augwali gela dwagila mu wai.

1 Samuel 10:26

Tama Sol aga bulu Gibeaba ma pali. Tiali goli, Godigo te bomai bidi meba homu hodolama, tama augwali te Sol dali pelawali.

Godigo Sęba Tagala Palai Bidigo Po 13:21

Tama te sogo augwaligo Godibolo hanalu wali, ‘Da gegasa pabo bidi, moni genuai gavman bidi dabolo mao,’ wali. Tama God agai te bidi Kis aga ogwa Sol te sa muani. Te bidi agai hani nogi Benjamin. Agai augwaligo moni genuai gavman bidi nigilama, tama bidali. Te sę eyu bidibadi, kibu be te 40 yia silali.

Matyu 27:5

Tama Judasgo te silva mone ge dabe te Moni Lotu Be tempel tomode sąnama, tama aga pelama, aga digi te ba bonoba waligi pelama isai.

Esra 6:11

“Tama odao, eno bomai po me deli elalubao. Te bidi me deligo eno te po wali me pisąbaso da, teda eno sę bidi dabego te agai be paliali ni nami me deli dagala samainu yaibao. Tama augwaligo te ni nami polama, tama te bidi enama, isimainu yaibao. Tama augwaligo agai be dolama, tama te pobele bage pesage holobo tiwai pedelaibao.

2 Samuel 18:10

Tama te ami bidi dabe augwali me deligo te Apsalom sulama, tama agai te tama po Joapba waligi pali, “Megi da, eno Apsalom te ni me deli te ni kali nologode walalubo sualio,” po wai.

2 Samuel 17:23

Ahitofelgo te Apsalomgo agai po wali pabo susiąbaso da, tama aga donkiba duagi pelama, tama aga hanuba digi ma geasa pai. Tama aga pelama, te aga we waigo tigidali doado bage me, te aga bisnis me, te tigidali dodolama, tama nosali aga digi te aga ba bonoba walama, tama isalio. Tama aga hani sibi dabego te aga tigi selama, tama aga ayago gų pageba pubaligi palio.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Josua 10:26

Nosali Josuago te tuni bidi dabe elama, tama augwali te ni pedai a nagade walalio. Augwali te nide walalubadi, te sia ge aiyaba dulai dao.

Josua 8:29

Tama Josuago te Ai tuni bidi te ni me delide walama, tama aga elalubadi te be pio igi pai. Tama pio Josuago po olama, tama te bidi dabego te tigi aiyaba sela dulama, tama augwaligo te hanu tomoba pabo genuai sunumiba sąwai. Tama augwaligo masigi hauwa aga tigi daiba ugwadu pesage holai. Te masigi pesage holali te e po asębo sogo me elalubo dao.

Bomai Po 21:22

Tama Mosesgo po geninama weyu, te po wali, “Tialima, te bidi mego te dwai kolesaga mu yai baso, tama augwaligo aga elama, tama augwaligo agai tigi te ni pos me delide walai baso da,

Tigidali Nai Gagalama Nigali Side 40:22

Tiali goli, Ferogo te bret ulubo sę yali tobolu bidi te niba walali. Te sę dabe pedelali, te Josepgo augwali sigo te na yali po page pusali sogo te wali po tiwai gilama yali.

Tigidali Nai Gagalama Nigali Side 40:19

Te sela sogo bidali silisiąbadi, tama Fero agai nage te kalabus bedu dogoni mage togwaibao. Tama agai nage tigi te ni me deli walama, tama te ba dabego nago tigi mi tuagasaibao,” Josepgo te po wai.

1 Samuel 24:21

Tama tiyu, eno homugo nago te Genuai Bidigo nogide te bomai po dąų walu, te nage king pedalubo sogo, te nago eno hani munu me eligobe po wao. Tiyu, nago augwali elibaso, tama eno nogi dali, te eno hani dali, tigidali mu silidalio,” Solgo te po wali.

2 Samuel 19:28

Nago te eno ayago hani we bidi tigidali eligi da. Tiali goli nago olo tau sabo wiegi yai homu ebo kolesaga enaba eyu, tama nago ena te nago bede sesemane sogo nai tuagasomainu ilali. Tama tibaso, te eno nageba te gasa nai me ma enaba mao olama, me hanalugobeo,” Mefibosetgo te po wali.

1 Samuel 24:22

Tialima, Devitgo bomai po dąų walali. Tama Sol aga buluba ma geasa peyu, tama Devit aga bidi dabe dali te geme dualaluali pesageba ma geasa pai.

Tuni Bidi Dabego Po Elalubo Buku Deli 12:3

Augwaligo polalubo ofisa bidi, te Ahieser. Te aga ama, Joas, aga te tomo bidi da. Augwali si te Semago ogwa, te Gibea taun bidi. Te gasa bidi dabe nogi e tiwai elalubao, Jesiel me Pelet, te bidi si Asmavetgo ogwa, te Beraka, me Jehu te Anatot taun bidi da,