2 Samuel 21:16 - Godigo dwagi yai po buku

¹⁶ Tama te Filistia bidi me deli, aga nogi te Isbibenop, agai te Devit ela muainu yali. Isbibenop te moni moni bidi dabede te bidi me deli aga da. Te agai ene tobolu bobage, augwaligo te brasgo nigai, tama te brasgo sęgę te sela olama, me badu pedai, te tri hap kilogram usu tama. Tama Isbibenopgo te gesi bainat me te kukulude gedelai elaluai.

2 Samuel 21:16 Referans Kwoze

2 Samuel 21:20

Tama nosali ma, te Get hanude gasa boi hwįbo ma hodolali. Tama te moni moni genuai bidi dabego te bidi me deli bidali, tama aga te dili bobage bidi mu tama. Te aga nogo dani deli delide te nogo a naga, me badu nogo kibisa deli tama elaluai, tama aga sągą dabe me te tiwai naga elaluali. Aga nogo sągą dani te bidi sese deli olama, me si me si elaluai.

2 Samuel 21:18

Nosali te Israel dabego te Filistia dabe dali ma hwįani. Te sogo augwali te bulu Gopde hwįani. Tama Israel bidi me deli, aga nogi Sibekai, te Husa bulu bidi, agai te moni moni bidi dabede te bidi me deli ela muani, aga nogi te Saf dao.

2 Samuel 21:22

Te me si me si te Filistia dabe augwa te Get hanu moni moni genuai hani bidi dabe tedu asali. Tiali goli, Devit dali, te aga ami dabego dali, te augwali ela muanio.

2 Samuel 5:18

Tama te Filistia dabe aselama, augwali te bulu pesage Refaim odogoba sabolama, tama augwali tede bidaluai.

Bomai Po 9:2

Te bomai we bidi augwali bobobage dili elalubao, tama augwali genuai we bidi mu dao, tama dage polo odai dao, te bidi mego augwali dali hwįbode elaluabo bidi deli me menio.

Bomai Po 3:11

(Te tuni bidi Ok aga te Refaim dabe sabi simanobo tuni bidi dao. Aga pubulabo halobage augwaligo te masigigo nigali. Te halobage bobobage te 4 mita, tama genuai te 2 mita tama. Te da, te hanu Raba te bulu Amonde elalubao.)

Bomai Po 2:21

Tama augwali me te Anak dabe bobobage bidi dabe tiwai dao. Augwali hani te hauwa mu dao, tama augwali bomai bidi dabe mu bidai dao. Tiali goli, Genuai Bidigo augwali mu silama, tama te Amon dabego augwali hasegeliyu, tama te tǫ selama, tama augwali te tǫde bidibao.

Bomai Po 2:10

(Te genuai bomai we bidi me deli, augwaligo augwali te Em hani wabo dao, augwali te bulu Ar wabo, te bulude augwali polobadu bidai dao. Augwaligo bobobage dili te Anak dabego dili bobobage tiwai elaluali. Te bidi dabego augwali te Refaim poai dao. Tama te Refaim dabe augwali te bulu Moapde bidibaso, te Moap dabego augwali te Em dabe dao po wai dao.

Bomai Po 1:28

Magi baso mu da te buluba pogowe? Da wi ebao. Te bidi dabe, dago te sa sugi pomainu tagala palali bidi dabe, augwali ma aselama, te po wagasali, “Te we bidi augwali boma pai, tama bobobage dili yai we bidi mu, te bulude bidibao.” Augwaligo te po wali. “Te we bidi dabe augwali te masigigo nigai bomai obo tomode bidibo, te dagalu dąį yai obo tomode bidibo. Tama te hanu dabede augwali te moni moni bidi dabe bida bida pabo suali,” te sa sugi pali bidi dabego dabolo te po wai,’ dagego te po wali.”

Tigidali Nai Gagalama Nigali Side 6:4

Tama te sogo me, te nosali sogo me, te moni genuai bobobage bidi dabe meba te tǫde bidaluali. Te bidi dabe augwali te Godigo ogwa dabede sali te we dabego augwaligo ame nani bidi dabe bidali. Augwali te bomai bidi mu gagalama, tama te sogo augwali nogi genuai elaluai.

Israel Hanigo Namba 13:22

Hasia augwali te distrik Negev sabolama, tama augwali te hanu Hebronba pali. Te Ahiman de Sesai, me Talmai hani, te Hebronde bidali. Augwali te hani sela te augwaligo wąį te Anak hani dao. Te hanu Hebron te gasa bidi hanigo bolo hasia nigai, tama te kibu be a naga olama si nosali te Isip hanigo te hanu Soan nigai dao.

Israel Hanigo Namba 13:28

Tiali goli, te bulu bidi dabe augwali bomai bidi dabe mu bidama, augwaligo hanu dabe genuai mu dabe elama, tama bomai obo mu elaluali. Tama me dago te Anakgo wąį wai puluba dabe bidibo suali. Augwali te moni moni bidi dabe.

Josua 15:14

Kalepgo te Anakgo hani bidi sela ela gudulali, Sesai, me Ahiman, me Talmai.

Josua 11:22

Te Anak dabe me dedeli te Israelde me bidibeo. Te dwasianu hani naga te Gasade me, Gatde me, te Asdot, tede bidaluai.

1 Samuel 17:7

Te sesemone te genuai mu, te ugwa hobolobo masin moni ba ain dili tiwai. Tama poai yali te enego gąų te augwa aingo nigai. Tama te aingo sęgę te 7 kilogram tama elaluai. Tama ami bidi me deligo te Goliatgo hwįbo sabele tolama, tama aga asobodu polasa pai.