2 Samuel 21:15 - Godigo dwagi yai po buku

¹⁵ Te Filistia dabe de Israel dabe si tomode te hwįbo ma hodolali, tama Devit te aga ami bidi dabe dali aiyaba dulama, tama te Filistia dabe dali hwįani. Augwali te boi hwį hwį pelama, tama Devit te bomo kimi meni baso, tama ma hwįabo ąǫ ebeo.

2 Samuel 21:15 Referans Kwoze

Kolesaga Koneai Bidigo Pusali Po Elalubo Buku 12:3

Te sogo dagego nogo bomo munu ma isiąma, te midigi saibao. Te dagego sągą bomo menisąma, gagea paibao. Te dagego kele me deli deli naga elalueibao, tama dagego te dila pai nai me tugobeo. Te dagego gedude me dwai elama, te dagego nai dabe bugagia tonono bilibo usu egobe dao.

Godigo Nogi Ugwaba Sabo Tęąbi Po Wabo Buku Dabe 71:9

Megi da, ena monu dabe ebaso, te eno bomo me menio, tialima tiyu, nago ena tagalama tudiba muidalio.

Tuni Bidi Dabego Po Elalubo Buku Deli 20:4

Tialima te Filistia dabe dali Israel dabe dali si tomode te boi dala sai, te Geser taun pąde da. Te Israel me deli, te aga nogi Sibekai te Husa bulu bidigo, agai te moni dobo dwai bidi dabede te bidi me deli ela muani, aga nogi Sipai. Tama te Israel dabe augwaligo te Filistia dabe aiyaba elaluai dao.

2 Samuel 5:25

Tialima, Devitgo te Genuai Bidigo po odama, tama te Israel dabego te Filistia dabe pobeasa pelama, tama augwali dolali, te Geba taunde gagalasa pali, te Geser taunba usu nigi palio.

2 Samuel 5:22

Tiali goli, nosali te Filistia dabe ma geasa aselama, te Refaim bulu odogode bidali.

2 Samuel 5:17

Te Filistia dabego te tama po odoyu, te Israel dabego te Devit te augwa king bidi nigilali po odobaso, tama te Filistia dabe hogodama, te hwįgi pelama, aga sainu yai. Tiali goli, Devitgo augwaligo te sę yabo koneama, te geme duala sigi pabo bomai pesageba dulama, tede bididuai.

Godigo Nogi Ugwaba Sabo Tęąbi Po Wabo Buku Dabe 73:26

Te eno tigi, me homu kolesaga, te bomo me elalusiąbaso da, teda God, nago digi nago ena dąų walao. Tama nage ena dali bidiyu, tama ena sesemane bidada peyu, bidada pabo sogode te ena usu mu elaluaibao.

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

2 Samuel 21:16

Tama te Filistia bidi me deli, aga nogi te Isbibenop, agai te Devit ela muainu yali. Isbibenop te moni moni bidi dabede te bidi me deli aga da. Te agai ene tobolu bobage, augwaligo te brasgo nigai, tama te brasgo sęgę te sela olama, me badu pedai, te tri hap kilogram usu tama. Tama Isbibenopgo te gesi bainat me te kukulude gedelai elaluai.

2 Samuel 8:1

Me sogo deli sogo nosali, Devit dali aga ami dabe daligo te Filistia dabe dali wąbi hodolama, hwįani. Augwaligo te Filistia dabe aiyaba elaluali, tama tibaso te Filistia dabego te Israel dabe munu ma tonalubeo.