2 Samuel 21:11 - Godigo dwagi yai po buku

¹¹ Nosali Devitgo te Rispa, te Aiago wegigo yali sę po odama,

2 Samuel 21:11 Referans Kwoze

2 Samuel 2:4

Tialima, te Juda hani bidi dabe te Hebronba aselama, tama augwaligo te Devit toboluba wel gelama, te augwa king pedalumainu yalio. Devit te king pedalubo si da, teda agai te tiwai po odali, te Jabes taun bage, te Gilgal tǫ bidi dabego te Sol tigi pubulali po walio.

2 Samuel 21:10

Tialima, Rispa, te isali bidi sigo ida, aga te poloba badi ugwa meba selama, tama te bulu duba ugwa holali. Tama aga te sela holali badi ugwa dabego te dwasianu ugwa be tiwai gana te masigi tǫ bulude kekelama sę yani. Tama aga te bidi dabego tigi tonaludubadi, te polua meba bidali, te tulubage te tǫba ma tulubo sogo, te nogo a naga, me badu si, te tama bidigo tigi dili te tulubagego telamainu ebo sogoba usu numainu tonalualio. Rispago te bidi dabego tigi te giligade me hulide te bugagia tonaluai, tiyu te ba dabego me te bulu hasa dabego augwali tigi tuagasidali weyu, tama tiai dao.

2 Samuel 21:12

tama Devit te Jabes bidi dabego hanu te Gileat tǫ pedaiba pelama, te Sol de Jonatan sigo tigi dili dabe sigi pali, te Solgo ogwa dao. Polobadu te Filistia dabego te Sol me Jonatan si te Gilboa bulu dude elama, tama augwali sigo tigi selama, te deliba sisinibo hanu te Betsanba waligi pali. Tama nosali te Jabes dabe te Betsan hanuba pelama, tama augwali sigo tigi wi selama, tolasa soai dao.