2 Samuel 21:1 - Godigo dwagi yai po buku

¹ Te Devit king bidali sogo, te nasi ebo sogo me deli pedelama, tama te Israel dabe me, Juda me, te nai sǫą pelama, te nai sili bididubadi, te kibu be sela bidai. Tama tibaso, Devitgo Genuai Bidiba te tebo sę ebo page hanalu wali, tama Genuai Bidigo agaba te po wai, “Te sę ebo page te tama telalubao. King Solgo te Gibeon dabe ela muani, tama te dwai sę yali page te aga hanide elalubao,” wai.

2 Samuel 21:1 Referans Kwoze

Tigidali Nai Gagalama Nigali Side 26:1

Gasa sogo te nasi ebo si te buluba pedelali, te polobadu Abraham bidali sogo pedelali nasi tiwai ma pedelali. Tialima, Aisak te Filistia dabego tuni bidi Abimelek bidibo bulu te Gerarba pali.

Tigidali Nai Gagalama Nigali Side 12:10

Te nosali Abram te Negeb tǫ pedaide bididubadi, te nasi ebo sogo pedelama, tama te bulude nai mu meni yai. Tama tibaso, Abram te Isip moni tǫ pedai teba pelama, te pęwadage sogo naga bidigi pai.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Jopgo Po Asęani Elalubo Buku 10:2

Eno Godibolo e tama waibao, ‘God, nago ena olo dali po tų ela magi. Ma, nago ena dali wado eyu da, teda nago eno yali dwai sęgę dolo ola mao.’”

Te Israel me Juda Hani Sigo Tuni Bidigo Po Elalubo Buku Si 8:1

Polobadu me sogo deli te Elisa pelama, te taun Sunemde bidibo te webolo po ola magi pai dao. Te we te polobadu aga ogwa wai isali we tama, tama Elisago agai te wai ma hodolai. Tama megi Elisa agai te webolo e tama po wali, “Genuai Bidigo te po wai, nosali dago e bulude moni nasi mu pedelaibao, tama te we bidi dabe augwali te nai menibadi, te kibu be nogo a olama, me badu nogo si, te 7 kibu beba usu nigi paibao, wali. Tama tialima, naga wai dabe me, me te naga deli hani me, tama augwali selama, tama nage gasa bulu meba bidigi pelama, tama te nasi ebo kibu be te dwai bodolu siliboba usu nigi pao,” wali.

Te Israel me Juda Hani Sigo Tuni Bidigo Po Elalubo Buku Si 6:25

Tama te sogo te Samaria bage augwali nai menia sai, te nasi ebo bodolude da, tialima te Siria bage augwaligo bobobage sogo mu te taun bobegela selama bidali. Tama Samaria bage augwaligo te nai me te taun tomoba magasobe. Tama tialima, bidi me deli aga homugo te donki kibu tobolu abela tuainu da, teda mone bidi sese sigo abelao wali, 80 kina. Tama tialima, bidi me deli aga 250 gram sęgę ba di tiwai tubo nai ge abelainogo da, teda agai te ni yabe si podolai, te 5 kina, te monego abelemainao.

Te Israel me Juda Hani Sigo Tuni Bidigo Po Elalubo Buku Deli 18:2

Tialima, Elaija hogodama, palio.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

2 Samuel 5:23

Tama Devitgo Genuai Bidiba hanalu, te po wali, “Te eno magi yagawe?” Tama Genuai Bidigo te po wei ponoyu, te tiwai po wai, “Dagego augwaliba hwįgi pao, tiali goli dage augwali bidibo dolo si me pelamuo. Dage te augwali tudi badu pelama, tama te ni balsam sili dolalubo pesage badu pelama, te hwįabo sisi elaluiąo,” wali.

2 Samuel 5:19

Tialima, Devitgo Genuai Bidiba te tama po hanalu wali, “Nago homugo eno te Filistia dabeba hwįgi pomainu homu ebawe? Tama ena pobaso da, teda nago ena tau siyu, te augwali aiyaba elalumainu yaibawe?” Tama Genuai Bidigo te tama po agaba wei ponani, “Awe, nage pao. Te augwali nage nogoba eno munama, tama te nago augwali aiyaba mu elalueibao,” wali.

1 Samuel 23:11

Tama eno koneainogo homu yali, te e bulu bidi dabego ena te Solba magowe, ma meniwe? God, da Israelgo Genuai Bidi, eno homugo nago eno te hanalu wali po wei pomainu homu ebao.” Tama Genuai Bidigo agabolo te tiwai po wali, “Sol da te asaibao.”

1 Samuel 23:4

Augwaligo te tama po obaso, tialima Devitgo te Genuai Bidiba ma hanalu wali. Tama Genuai Bidigo te tiwai po te Devitbolo wai, “Dage te hogodama, pelama, tama te Filistia dabeba hwįgi pao,” wai. “Magi baso meni, eno dage tau siyu, tama dagego augwali aiyaba elalueibao.” Te po wali.

1 Samuel 23:2

Devitgo te po odama, tama agai te Genuai Bidiba hanalu, te tama po wali, “Te ena pelama, te Filistia dabe dali hwįgi pabo te usu yaibawe, me meniwe?” Tama Genuai Bidigo agabolo te po wali, “Te usu dao. Nago augwaliba hwįgi pelama, tama te Keila dabe tau siyu, te augwali dolidali weyu te tama tiao,” wali.

Josua 7:1

Hasia sogo Genuai Bidigo te po wai, te Israel dabego te dolabo nai dabego te nai me deli munu me selamuo po wai. Tiali goli, te Israel dabego te po sela sąwai, tama bidi me deli aga nogi Akan, te bidigo te nai meba sai. Tama tibaso, Genuai Bidigo sębę mu te Israel dabe dali eyu bidai. Akan te Karmigo ogwa, Karmi te Sapdigo ogwa, Sapdi te Serago ogwa, te Juda hani dabe dao.

Israel Hanigo Namba 27:21

Tiali goli, Josua te Eleasar pageba pelama, tama eno homu kolesaga te tigidali nai dabede koneainogo yaibao, nosali. Tama Eleasargo te prisgo gudubo te name ugwa baude daganalubo te masigi si te dwasianu paus sao, te eno homu kolesaga konea sainogo. Tama Eleasargo te Josuabolo me te we bidi sesebolo te tigidali te sę ela silimainogo,” wali.

Pris Sę Ebo Bomai Po 26:26

“Te eno dagego nai mu sǫą pomainogo yaibao, tama te we dabego augwa iside ulabo nai hauwa meni yaibao, te sia tigi delide nogo si wego nai ulaibao. Te dage tigidaligo te nai dwasianu dwasianu naga selama tueibao, tiali digi te dage nasi me elaludaibao,” Genuai Bidigo te po wai dao.

Tigidali Nai Gagalama Nigali Side 43:1

Tialima, te Kenade nasi ebo te genuai me elaluali.

Tigidali Nai Gagalama Nigali Side 41:57

Te tigidali tǫ badu bidi hani we bidi augwali me te Isipba Josep bidibo madi aselama, te wit abelagasali, magi baso meni, te dwai nasi ebo si te tigidali tǫ usu nama, te nasi pedelali.

Tigidali Nai Gagalama Nigali Side 42:5

Genuai nasi mu te Kenan tǫde pedalubaso, tama te Jekopgo ogwa dabe augwali te wit abeligi peyu, te gasa bidi dabe dali pai.

2 Samuel 16:8

Nago te Sol sela sąnama, tama aga bidali pesage hasegelama, tama king pedelali. Tama nago te Solgo hani bidide te bidi hauwa ela muani. Tama tibaso, megi God Genuai Bidigo nago te dwai kolesaga yali wei ponobao. Tama Genuai Bidigo nage hasegelama, tama naga ogwa Apsalom te Israel king pedalumainu nigilaibao. Nage te bidi elibo bidi yai baso, tama tiyu, Godigo nage te dolobao,” te bidi Simeigo te po wai.

2 Samuel 20:26

tama Jair hani bidi Ira, aga me te Devitgo pris bidi bidai dao.

2 Samuel 21:5

Tama augwaligo kingba po wei ponoyu, te po wai, “Solgo te da dolama, tama da tigidali silimainu homu yali, te da hani me deli te Israelgo tǫde me bididali homu yai dao.

2 Samuel 24:1

Me sogo deli sogo ma Genuai Bidigo te Israel dabeba wado elama, tama agai te Devitba homu kolesaga menama, te Devitgo augwaliba te sęgę sesemainu yai. Genuai Bidigo Devitba te tama po wai, “Nage pelama, te Israel me Juda we bidi augwali nedegi pao,” wai.

Josua 9:20

Dago augwali magi baso sula tagaliyu meni, te dago bomai po dąų walalio. Te dago augwali elibaso da, teda Godigo da dolaibao.

Rutgo Po Elalubo Buku 1:1

Tama te tobolu bidi dabego te Israel dabe augwali tonalubo sogo, tama augwaligo te augwali tonaluabo tuni bidi king me deli nigilisiąbadi, tama genuai nasi te tǫba pedelai. Tama te Betlehem hanu bidi me deli, aga te Juda hani me deli dao, aga pelama, te Moap tǫ pedaiba kibu be meba bidigi palio, aga augwaligo tǫde bidai. Agai te tǫ abeliyu mone me sabeo. Te bidi aga we dali, aga ogwa si dali pai.

1 Samuel 10:22

Tama tibaso, augwaligo te Genuai Bidiba hanalu, te tama wali, “Te bidi asaliwe, ma meniwe?” Tama Genuai Bidigo po wei ponoyu, te tiwai po wali, “Sol te duga walu doado bage tomode te geme dualalubao,” wai.

Godigo Nogi Ugwaba Sabo Tęąbi Po Wabo Buku Dabe 27:8

Eno homude eno te koneanio, nago enabolo te tama po wali, “Nage enaba asao,” wai. Tialima, Genuai Bidi, te ena paibao.