2 Samuel 20:21 - Godigo dwagi yai po buku

²¹ Mu menio. Dago te bidi me deli naga sagasu asali, aga nogi te Seba, te Bikrigo ogwa. Aga te Efraimgo pesage te bulu dude bidi dao. Te bidigo te bidi dabego homu hodolobaso, te king Devit aiyaba elaluainu yai. Dago homugo dagego te bidi Seba naga daba mobaso tama, teda dago te dagego hanu tagalama, paibao,” Joapgo te po wai. Tama te wego Joapbolo te tama po wai, “Mu tama obao, dago te bidi ela munama, tama agai tobolu naga te obo buluba sąbo, te nago sueibao,” wali.

2 Samuel 20:21 Referans Kwoze

Jeremaia 50:19

“Eno te sipsip Israel te aga page buluba ma odasa asaibao, aga te bulu du Karmel, me te tǫ pedai Basan, me te Efraim bulu du pesage, me te tǫ Gileat pedai, te bulu dabede wiegi yai nosai tumainogo yaibao,” wai.

Jeremaia 4:15

Te taun Dan me te Efraimgo bulu du elaluali te taga soali bidi dabego te genuai sęgę pedelalio wabo po sela soalio.

Te Israel me Juda Hani Sigo Tuni Bidigo Po Elalubo Buku Si 10:7

Tialima, te genuai bidi dabe augwaligo te Jehugo te pas sali, tama augwaligo te Ahapgo hani ogomani te bidi sese sela olama, te nogo si bidi, te 70, te augwaligo elama, isilali. Tama augwaligo te bage tobolu togolama, tama augwaligo te basket wa dabeba bulama, te Jehubolo tolali, te Jesril hanuba.

Te Israel me Juda Hani Sigo Tuni Bidigo Po Elalubo Buku Si 5:22

Tama Gehasigo te po wai, “Menio. Da bugagia bidibao. Tiali goli, eno genuai bidigo ena tagala palama, e tiwai po nagebolo tama wagi soao obaso, ena asobao,” wai. “Megi tama bolo te profet gesi bidi si agai beba asalio. Te profet bidi si augwali si te bulu du Efraimde bidibo profet hani dao. Tama agai homugo te nago aga silva mone beg me deli badi, me te dwagi yai bulubo ugwa si ebadi elama, mao wali. Tama Elisa agai te profet bidi dabe augwaliba mawaibao,” wali.

2 Samuel 23:18

Abisai, aga te 30 bomai ami bidi dabego polalubo ofisa bidi da wali. Aga te Joapgo ama, tama augwa si ida te Seruia dao, te we da te Devitgo abe dao. Me sogo deli sogode Abisaigo te aga sesemone tulama, tama te 300 boi bidi dali hwįnama, tama tigidali ela muai. Tama aga te sela ami bidi dabego sali genuai nogi tobage te agai me salio.

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

1 Samuel 24:6

Tama aga bidi dabe bidibo madiba ma pelama, tama augwaliba te tiwai po walali, “Genuai Bidigo enabolo te eno king dolomainu ilibeo, magi baso meni, te Genuai Bidigo digi aga nigilama, tama aga te king munama bidali. Eno te Genuai Bidigo sa muani kingba dwai kolesaga deli me egobeo,” wali.

Te Israel Tobolu Bidi Dabe 7:24

Tama Gideongo te bidi dabe augwali tigidali te Efraimgo bulu dude elalubo buluba pomainu tagala palu te po wai, “Dage aiyaba dulama, tama te Midian dabe dali hwįgi pao,” wali. “Dagego te wę Jordan me te dwasianu ąį te Betbara tede elalubo ąį dabe, te bugagia tonaluao. Tiyu, augwali te ąį nogelama u badu pabuo,” wali. Tama te Efraim bidi dabe augwali deliba sisinama, tama Gideongo po wali gilama tama yali.

Te Israel Tobolu Bidi Dabe 2:9

Tialima, augwaligo aga te bulu Timnat Sera tede pubulali. Te bulu te aga bidali madi te Efraimgo bulu te bulu dude, te Gas bulu du te not pedai badu.

Josua 24:33

Tama Eleasar, te Arongo ogwa, te isibaso, tama augwaligo aga te Gibeade pubulali. Te hanu augwaligo te aga ogwa Finiasbolo mani, tama te Efraimgo bulu du te badu elaluai dao.

2 Samuel 20:2

Tialima, te Israel dabego te tama po odolama, tama tigidaligo te Devit tagalama, tama Seba dali palio. Tiali goli, te Juda bidi dabe da, te Devit dologode bidiyu, tama augwa aga wali pabo bage bidibo dąį te Jordan wę sunumi tedu pelama, te Jerusalemba usu nama elaluai.

2 Samuel 20:20

Tama Joapgo te po wai, “Eno te hanu doliyu, te silabo homu me elalubeo.

Te Israel me Juda Hani Sigo Tuni Bidigo Po Elalubo Buku Deli 11:26

Te Solomon aga ofisa bidi me deligo me te Solomonba tudi ola mayu, tama agaba boi bidi yai. Te bidigo nogi te Jeroboam. Te aga ayago nogi, te Nebat, te aga ida te Serua dao. Tiali goli, Nebat te isalio. Jeroboam aga te Sereda hanu bidi, te Efraim hanigo bulu tǫde bidibo bidi dao.

Te Israel Tobolu Bidi Dabe 9:55

Te Israel dabe augwaligo te Abimelek isibo sulama, tama tigidali te augwa buluba ma pelawali.