2 Samuel 2:8 - Godigo dwagi yai po buku

⁸ Te Filistia dabego te Sol elali sogo, Apner, te Nergo ogwago, te Isboset oda sali, te Solgo ogwa da, tama augwa peyu, te wę Jordan nogelama, tama te taun Mahanaimba sabolai. Apner te Solgo amide te polaluali ofisa bidi dao.

2 Samuel 2:8 Referans Kwoze

1 Samuel 14:50

Te Solgo we nogi te Ahinoam, te Ahimasgo wegi da. Tama Solgo ami polalubo tobolu bidi te Apner, te Nergo ogwa, tama Ner te Solgo aya sabi bidi dao.

Tigidali Nai Gagalama Nigali Side 32:2

Agai augwali sulama, tama agai te po wai, “Te augwali Godigo ami bidi hani dao.” Tialima, agai te bulu nogi Mahanaim poai.

Tuni Bidi Dabego Po Elalubo Buku Deli 9:39

Ner te Kisgo aya, tama Kis te Solgo aya da. Te Solgo ogwa dabe nogi e tama da, Jonatan, me Malkisua, me Abinadap, me Esbal, aga gasa nogi me Isboset dao.

Tuni Bidi Dabego Po Elalubo Buku Deli 8:33

Te bidi Ner te Kisgo aya, tama Kis te Solgo aya da. Solgo ogwa dabe nogi e da, Jonatan, me Malkisua, me Abinadap, me Esbal, aga gasa nogi me da Isboset dao.

1 Samuel 26:14

Tama aga te Solgo ami dabeba me te Apnerba i wai. Agai te tiwai po wai, “Apner! Nago eno i wabo odaliwe, ma meniwe?” Tialima, Apnergo agaba te i wei ponoyu, te tama po wai, “Nage dego tama nago te kingba i obawe?”

1 Samuel 17:55

Devit pelama, te Goliatba hwįgi pabo Solgo sulama, tama agai te ami dabe augwa polalubo ofisa bidi, Apnerbolo te tiwai po hanalu wai, “Te ogwa te dego wai dawe?” Tama Apnergo agabolo wali, “King o, eno mu po nagebolo obao, eno konebeo,” wali.

Josua 21:38

Te Gatgo hani augwaligo hanu me si me si te tigidali augwali mani, Ramot te Gileat pedai badu, te hanu da te bidi elali bidi dabe geme dula sigi pabo hanu me deli dao, tama me Mahanaim,

2 Samuel 2:7

Mu tama Sol, te dagego king, isalio, tiali goli te Juda hanigo ena te augwa king pedalumainu yai. Tama tibaso, dage bomo elama dolalu, tama dage te magi nai me delide te wi me elamu dao,” wali.

2 Samuel 2:29

Apner te aga ami bidi hani dali augwa te bulu tagalama, tama te Jordan odogo malu buluba pali. Tama te hulide augwali te odogo buludu pelama, tama te wę Jordan nogealio. Tama augwali pelama, tama te giliga tomo yagasobadi, te belode augwali te taun Mahanaimba sabolali.

2 Samuel 3:6

Te Solgo hani, me te Devitgo hani si tomode hwįbo sę yali sogo, Apner te Solgo hanide genuai bidi pedalubo sę yalio.

2 Samuel 17:24

Tialima, Apsalom dali, te Israel ami bidi dabe dali, te hogodama, Devit pali wali pobeali. Tiali goli, Apsalom te Jordan wę nogebo sogo, Devit te aga hani bidi dabe dali te hanu taun Mahanaimba sabolalio.

Tuni Bidi Dabego Po Elalubo Buku Deli 12:29

Te Benjamin hani da, te augwali Solgo deli hani dabe da, augwaligo ami bidi dabe te bidi sese umabo mu 3,000 bidai. Hasia mu te hani bidi hauwa te Sol wali pali, tiali goli megi da augwali te Devitba asalio.

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

2 Samuel 3:38

Tama kingo te aga ofisa dabebolo te tiwai po wali, “Odiąo. Te e sogode da Israelgo bomai bidi mu me deli te isali dao.

Tuni Bidi Dabego Po Elalubo Buku Deli 12:30

Te Efraim hanigo bidi hauwa umabo mu te 20,800 ami bidi bidali. Augwali te wiegi yai ami dabe mu, te augwa deli hani tomode digi te genuai nogi elalualio.