2 Samuel 2:31 - Godigo dwagi yai po buku

³¹ Tiali goli, te Devitgo hanigo te Benjamingo hani bidi dabe te 360 bidi elai, te Apnergo hani dabe dao.

2 Samuel 2:31 Referans Kwoze

Te Israel me Juda Hani Sigo Tuni Bidigo Po Elalubo Buku Deli 20:11

Tialima, Ahapgo te bidi dabeba te po ma wai, “Dage pelama, Benhadatba te tama po wagi pao. Ami bidi mugo, agai te genuai po dagą me pemene ebo te bainat hwą aga bede bulalubo sogo me tegobeo. Menio. Agai te boi bidi dali hasia bolo hwįnama, te aiyaba elalubaso, te nosali naga aga pemene ebo usu dao,” Ahapgo te po ola tolali.

2 Samuel 3:1

Te tudi badu nosali side, te Devitgo hanide Solgo hani si tomode te wąbi hwįani sesabi mu elaluali. Tama Devitgo hani te bomo yai mu pedelama, tama augwaligo te Solgo hanigo bomo tamonobo sę mu yalio.

2 Samuel 2:30

Te Apner aga ami bidi dabe dali pai madi, teda Joapgo aga ami bidi hani dabe sisinama nedali. Tama agai nedalama koneani, te aga ami bidi dabe te 19 bidi isai yalio. Tama Asahel me isai.

2 Samuel 2:32

Tialima, Joap te aga bidi dabe dali augwa te Asahel tigi sela pelama, te Betlehemba pubaligi pali, te aga ayago gų pageba. Augwaligo aga pubulama da, teda augwali hulide pelama, tama augwali te Hebronba be posobadi sabolalio.