2 Samuel 2:28 - Godigo dwagi yai po buku

²⁸ Joapgo te po ola siminama, tama agai te biugel bu wali, te aga ami bidi dabego te Israel dabe ma pobeasa pidali weyu, paliali. Tama tibaso, te wąbi hwįani silalio.

2 Samuel 2:28 Referans Kwoze

2 Samuel 2:27

Joapgo te tama wabo po odama, tama agai te tama po wei ponani, “Te Sesemane Sogo Bidada Pabo Godigo nogide, eno mu po nagebolo obao. Nago te tama po me wagi menigi sogo da, te eno hani bidi dabego dage pobeasa pidubadi te do kigamu be posoboba usu nigi pigi dao,” wali.

2 Samuel 3:1

Te tudi badu nosali side, te Devitgo hanide Solgo hani si tomode te wąbi hwįani sesabi mu elaluali. Tama Devitgo hani te bomo yai mu pedelama, tama augwaligo te Solgo hanigo bomo tamonobo sę mu yalio.

2 Samuel 18:16

Apsalom isaide, teda Joapgo te ami bidi me delibolo te biugel bu wao po olama, te Devitgo ami bidi augwa te hwįbo tagalumainu yai. Tialima, Devitgo hanigo odolama, tama augwa te Israel dabe taga soyu, ma geasa asali.

1 Samuel 13:3

Tialima, Jonatan aga ami bidi dabe dali augwaligo te Filistia ami bidi dabe dali te Geba bulude hwįnama, tama augwali aiyaba elaluali. Tama te gasa Filistia dabego te tiali po odama, tama augwaligo te Israel dabe dali wado po wali. Tama tialima, Solgo te bidi meba te Israel tǫ pedai tigidaliba tagala palama, tama augwaligo te biugelgo te Sol tau sagasu hwįabo bidi dabe i ola bilali.

2 Samuel 20:22

Tama tialima, te we te hanude bidibo bidi dabeba pelama, tama agai homude sela pali po te augwaliba pusali. Augwaligo te agai po wali pelama, tama augwaligo te Sebago tobolu mage togogi pelama, tama aga tobolu selama, tama Joapba te tobolu buluba dinani. Tialima, Joapgo te biugel bu obaso, tama aga ami dabe te hanu taga soyu, tama augwa buluba ma palio. Tama Joap te king Devit bidibo madi, te Jerusalemba ma pai.