2 Samuel 2:26 - Godigo dwagi yai po buku26 Te Apnergo augwali si subo si da, agai aba Joapba te tiwai i wali, “Magi yaliwe? Te hwįani siligobe da, agawe? Te kolesagago te daba genuai sęgę maiabo, te nago konesiąyu eba, agawe? Da te deli kaneme dao. Mena sogo te nago te naga bidi dabeba waliyu, te augwaligo da munu me pobeasa pelamuo po waibawe?” wali. Gade chapit la |
Isipgo te tama po wai, tialima, te hwįbo sę te Godigo sę tama, te Tigidali Bomo Elalubo Genuai Bidi dao. Te sogo aga boi bidi dabeba dwai dene wei ponaibao. Te bomai boi mu hwįnama, te bidi dabe isila paibao. Te bainat hwągo nasi mu ebaso, te bidi dabe tigi tuyu, te kaneme tueibao, tama te bainat mu pągąna paibao. God, Genuai Bidi Tigidali Bomo Elalubo dao, te hani dabe elama, te aga te wę Yufretis badu pąde te ofa ebo tiwai yaibao, te not badu dao.
Devitgo te po agabolo wali, “Nage ma geasa pelama, tama te po Joapbolo pusa mao, te aga bomo elama hwįmainu ebo po. ‘Joap, nage te sęde te haliga sęgę me elamuo, magi baso meni, te mena bidi aga te hwįbode isabo, te aga me konegobeo. Nago te Amon dabe dali hwįbo sę bomo elama, tama augwali aiyaba elaluama, tama te taun hanu mu dola silao,’ te Joapgo homu dąų omainogo te po agabolo pusao,” Devitgo te po wali.
Tama augwali te hwįbo ususu si yali sogo, te deli deli bidigo aga boi bidi te tobolu tola sesa pelama, tama aga boi bidi te tigi me badu te bainat hwągo enani. Tama te bidi sese deli olama, me si me si, te 24 bidi tigidali degasa dulu, tama isalio. Te bidi dabego te tiali pesage bulu nogi poyu, “Te Bainat Dabego Pesage Dao,” wai.