2 Samuel 2:14 - Godigo dwagi yai po buku

¹⁴ Tialima, Apnergo te tiwai po te Joapba hanalu wali, “Te da hwįbo usu si yaibawe? Nago te naga gesi ogwa bidi ami meba tagala palu, tama eno ami bidi meba te tagala palu elama, te augwali dali hwįbo usu somainu inao,” wali. Tama Joapgo te po wali, “Te usu da, dago tama tibo dao.”

2 Samuel 2:14 Referans Kwoze

2 Samuel 2:17

Tama te sogo te genuai wąbi te hani si tomode hodolama, hwįanio. Tama Devitgo hanigo te Apnergo hani, me te Israel hani dabe aiyaba elaluai dao.

Bugagia Bidibo Kolesagade Po Asęai Buku 25:8

nago homugo agai te dwai kolesaga eba homu elama, tama nago asesa polo te aga po tųba sela mugio. Te gasa bidigo te sę ebo mu koneama, tama nosali agai nago po aiyaba elalubaso da, teda nago magi yaibawe?

Bugagia Bidibo Kolesagade Po Asęai Buku 20:18

Te wiegi yai homu kolesaga bolo selama, te nago sę te bugagia dolasa paibao. Tama nago te boi bidi dabe dali hwįainu da, nago te homu kone bugagia paliyu bolo yao, te nago mena tama hwįabo te kone palao.

Bugagia Bidibo Kolesagade Po Asęai Buku 17:14

Bidigo te wado po me deli wali, te tobage te bidigo te obo agebelidu te dwasianu dedage nigilama, te genuai wę gebo domainu palibo tiwai ebao. Te tama tebo kolesaga agai tagalu da, tama te genuai wado me pedalugobeo.

Bugagia Bidibo Kolesagade Po Asęai Buku 10:23

Te wiegi yai homu elalusiąbo bidi dabe, augwaligo te tobage dwai kolesaga yabo pemene ebo dao. Tiali digi, te wiegi yai homu elalubo bidi dabego da, augwa te wiegi yai doloba pai kolesaga yabo pemene ebo dao.

2 Samuel 2:15

Tialima, te Benjamin hanigo te nogo si olama, sągągo si bidi, te Isbosetgo ami bidi dabe, augwali aselama, te Devitgo ami bidi nogo si olama, sągągo si bidi dabe dali te hwįbo ususu si yagasalio. Tama te Devitgo ami bidi deli deligo te Isbosetgo ami bidi deli deli dali tedali hwį hwį palio.

2 Samuel 2:16

Tama augwali te hwįbo ususu si yali sogo, te deli deli bidigo aga boi bidi te tobolu tola sesa pelama, tama aga boi bidi te tigi me badu te bainat hwągo enani. Tama te bidi sese deli olama, me si me si, te 24 bidi tigidali degasa dulu, tama isalio. Te bidi dabego te tiali pesage bulu nogi poyu, “Te Bainat Dabego Pesage Dao,” wai.

Te Israel me Juda Hani Sigo Tuni Bidigo Po Elalubo Buku Si 14:8

Tama te king Amasiago te me badu bidi dabe te king Jehoas pageba tagala palali, te bidi te Israel bagego king bidi da. Te king Jehoas te aga aya te Joahas, te Joahas aga wąį nǫų te king Jehu dao. Tama te tagala palali bidi dabe augwali pelama, te king Jehoas pageba sabolama, tama augwaligo agabolo e tama po ola mani, “Te king Amasiago te agai homugo te Israel bage dage dali hwįaibao walio,” wali.