2 Samuel 2:13 - Godigo dwagi yai po buku

¹³ Tialima, Joap te Devitgo ami bidi dabe dali asiyu, augwali te Gibeon sigi ąį pąba te augwali deliba gesabidi sisinanio. Te Isbosetgo hani te sigi wę sesege e badu bidalu, te Devitgo hani dabe te ąį sesege u badu bidalu yali. Te Joap aga ida te Seruia dao.

2 Samuel 2:13 Referans Kwoze

Tuni Bidi Dabego Po Elalubo Buku Deli 2:16

Tama me Jesigo wegi si elaluali, Seruia me Abigel. Seruiago ogwa sela ame nani, Abisai, me Joap, me Asahel.

2 Samuel 8:16

Joap, te Devit aga abe Seruiago ogwa, te ami dabego polalubo ofisa bidi bidali. Tama Jehosafat, te Ahilutgo ogwa, te polalubo kuskus sę bidi bidiyu, tama te gavman dabego sę ebo buku dabe tonalubo sę bidi bidali.

Jeremaia 41:12

Tama tialima, augwa ami hani dabe selama, te augwaligo Ismael wali pobelama, aga dali hwįainu yali. Tama augwali agaba sabolali, te taun Gibeon te genuai sigi ąį pąde elalubo madi pedaligi palio.

Tuni Bidi Dabego Po Elalubo Buku Deli 11:6

Devitgo te taunba boi hwįainu yali sogo, agai te tiwai po aga ami dabeba wali, “Niwai bidigo te Jebus bidi me deli te polasa ela mubo bidi yaibaso da, teda aga eno ami dabede te polalubo ofisa bidi pedelaibao,” wali. Tialima Joap, te Seruiago ogwa, te polasa pelama, te boi hwįbo gagalali. Tama tialima, Devitgo aga te amide polalubo ofisa bidi sa muanio.

Te Israel me Juda Hani Sigo Tuni Bidigo Po Elalubo Buku Deli 1:7

Agai te Joapba po migi pali, te Seruiago ogwa, tama te pris Abiatar dali me te po olama, tama augwali sigo aga dali te deli homu yalio.

2 Samuel 20:23

Joap te ami dabego polalubo ofisa bidi, tama te Israel bulu tǫde tigidali ami tonalubo bidi dao. Tama Benaia, te Jehoiadago ogwago, te king tonalubo ami bidi dabe tonalubo bidi bidai, te augwali Kelet me Pelet dabe dao.

2 Samuel 2:18

Te Devit aga abe Seruiago ogwa sela, te Joap, me Abisai, me Asahel, augwali me te hwįbode bidali. Asahelgo udabo te bulu uni hasago bomo elama, mu udabo te tiwai yai dao.

2 Samuel 20:8

Augwali te Gibeon moni masigi elalubo teba sabolali, tama Amasa te augwali dali deliba gesabidi ununani. Joapgo te hwįbo nai munasa pai, tama agai te aga kukulude te bainat hwą ge gedelai. Te bainat te aga bulalubo be tomode bulaluai, tiali goli Joap te Amasa pąba pabo sogode, te bainat te tǫba dialuali.

Te Israel me Juda Hani Sigo Tuni Bidigo Po Elalubo Buku Deli 2:5

“Tama odao, nago koneani, eno te Seruiago ogwa te Joapgo dwai kolesaga yalide te eno genuai sęgę elalubao. Agai te Israelde te polalubo ofisa bidi si ela muani, te Apner, te Nergo ogwa, me te Amasa, te Jetergo ogwa ela muani. Agai augwali si te hwįbo side me ela mubeo. Menio, agai te bidi si te odolali tama ela muani, tama te dwai sę yali sęgę te agade daganalubo dao.

1 Samuel 26:6

Tama Devitgo te Ahimelek te Hit hani, me Abisai, te Devit aga abe Seruiago ogwabolo walali. Abisai aga te Joapgo ama da. Devitgo augwali sibolo te tama po wali, “Te dage sigo de te Solgo bidibo pesageba pabo homu ebowe?” Tama Abisaigo te po wali, “Ena paibao.”

2 Samuel 23:24

Te e da te bidi sese olama, nogo si te bomai ami bidi dabe nogi te tama tiwai. Asahel, te Joapgo ama, Elhanan, te Dodogo ogwa, te Betlehem hanu bidi,

Tuni Bidi Dabego Po Elalubo Buku Deli 27:7

Asahel te Joapgo amago te namba 4 ene nanobo poluade te bidi sese umabo mu te 24,000 bidi te sę ebo tonaluali. Nosali aga ogwa te aga tudi badu daganalubo si wali bidi bidalio.