2 Samuel 2:10 - Godigo dwagi yai po buku

¹⁰ Isbosetgo kibu be bidi sese si, te 40 bidai elalubadi, tama augwaligo aga te king nigilali. Tama aga te king bidali te kibu be si naga bidai. Tiali goli, te Juda hani dabego te Devit wali pelama,

2 Samuel 2:10 Referans Kwoze

2 Samuel 2:8

Te Filistia dabego te Sol elali sogo, Apner, te Nergo ogwago, te Isboset oda sali, te Solgo ogwa da, tama augwa peyu, te wę Jordan nogelama, tama te taun Mahanaimba sabolai. Apner te Solgo amide te polaluali ofisa bidi dao.

2 Samuel 2:9

Augwali te Mahanaimde bidalu, tama Apnergo te Isboset te Gileat tǫ, me Aser, me Jesril, me Efraim, me Benjamin, me te Israel tǫ tigidali tǫ gasa badu, te tama bulu bage bidigo king bidi pedalumainu nigilali.

2 Samuel 2:11

tama aga te augwa king nigilama bidali. Tama aga te Hebron taunde bidali kibu be te 7, te polua a naga, me badu nogo kibisa deli, te tama sogo bidalio.

2 Samuel 3:14

Tama nosali Devitgo te Isbosetba po ola toliyu, tama po wai, “Eno homugo te nago eno we, Mikal, te enaba ma tagala palao. Eno aga te Filistia dabe te bidi sese a naga 100 bidigo gasa tigi waligo abelali. Tama aga te eno we mu tama dao,” wali.