2 Samuel 19:9 - Godigo dwagi yai po buku

⁹ Tama te tigidali Israel hani we bidi augwa hasi tomode digi te konila po wai. Tama mebago te tama po wali, “King Devitgo te da tau selama, tama te Filistia dabego, me te gasa boi bidi dabego te da me dolobeo. Tiali goli, aga te Apsalomde wi peyu, tama dago bulu tǫ pedai taga pai dao.

2 Samuel 19:9 Referans Kwoze

2 Samuel 15:14

Devitgo te odolama, tama agai te aga dali Jerusalemde bidibo ofisa dabe te sisinama, tama augwaliba te tama po wai, “Dago te Jerusalem polo tagalama, tama polo wi pinao. Tiyu, Apsalomgo da tigidali elabuo. Da polo asesa pinao. Te tama tisąyu da, teda te Apsalomgo hani polo asiyu, te hanu dolama, tama te hanude we bidi tigidali elaibao,” Devitgo te po wali.

2 Samuel 5:20

Tialima, Devitgo te Filistia dabe augwaliba hwįgi pelama, tama augwali aiyaba elaluai. Tama agai te tama po wai, “Genuai Bidi te wę bomo asobo tiwai elama, tama eno boi bidi hani dabe pedelama togolali.” Tama tiyu, augwaligo te bulu nogi te tiwai nogi yali, Te Genuai Bidigo Te Hani Togolai Dao.

1 Samuel 19:5

Te agai Goliat elali sogo, te aga isabo me, te aga bugagia bidabo, te me agai tǫba eyu godolo me ebeo. Tama tialima, te Devitgo nogode, Genuai Bidigo da Israel tau sabo te geninama mu elalu, tama te boi bidi aiyaba mu elalualio. Tama naga digi sulama, tama nage wiegi yai homu pemene mu yai. Agai te dwai sę me eyu, tama magi nai me delide dwai sę yali me elalubeo. Tama tialima, magi baso nago aga olo dali ela muainu ebawe? Te nago tama tiyu da, teda nago dwai sę yali elalueibao,” te po wali.

1 Samuel 18:25

Tama Solgo homugo te Devit te Filistia dabeba hwįgi pomainu tagala palama, tama te Filistia dabego aga ela mumainu homu yai. Tama tiyu, agai te ofisa dabebolo olama, te po Devitba ma wagi soali. Agai te tiwai po wali, “Eno homugo Devitgo enabolo te wegi abelabo nai deli te tiwai momainu homu yai. Eno homugo Devitgo te Filistia ami dabe te bidi sese a naga te 100 elimainu elama, te enade boi bidi yali wei ponomainu homu ebao. Tama agai te 100 bidi augwa gasa tigi wali togolama, tama te tigiwali enabolo sela asomainu yaibao,” wali.

1 Samuel 17:50

Tama tialima, Devitgo ugwaba ela holama, tama Goliat te masigi sąyabo nai dali masigi sigo naga ela muai dao. Aga te hwą bainat meni yai.

Ma Dobola Sali 32:24

Eno odolama, tama eno te gol olode elalubo we bidibolo te po olama, tama augwaligo te gol pedelama, enabolo mao wai. Tialima, augwaligo enabolo mawai, tama eno te gol te siaba ulalio. Tama polo te bulmakau wai aga digi odolali pedelalio,” Arongo te po wai.

2 Samuel 19:10

Dago te Apsalom te dago king bidi pedalumainu nigilali, tiali goli augwa te hwįnama, tama augwaligo te aga ela muai dao. Tialima, magi baso te da olo tama bidiyu, tama dago te king Devit ma oda sigi pisąma ebawe?” Augwaligo te po wali.

2 Samuel 19:40

Tialima, king te hanu Gilgalba pali, tama Kimham aga dali pai. Tama te Juda ami bidi tigidali dali, te Israel ami bidi hani me badu me, te king dali pela wali.

2 Samuel 22:44

“Te ena we bidi dabego enaba boi bidi ebo sogo, nago ena tau sobaso, tama augwaligo ena me dolobeo. Tama nago ena te gasa we bidi tonalubo bidi me bidimainu ilali. Te eno augwali konesiąwani we bidi, megi augwali te ena dologode bidibao.

Godigo Nogi Ugwaba Sabo Tęąbi Po Wabo Buku Dabe 18:43

Nago ena tau siyu, tama te hagoma ebo bidi dabego ena dolomainu me ebeo. Nago ena te we bidi hani dabego king pedalumainu ilali. Te eno konesiąwai we bidi augwali, te augwali aselama, tama eno sę yagasai.

2 Samuel 18:17

Tama augwa te Apsalomgo tigi selama, tama te buside genuai tǫ dedage me deliba aiyaba sąwani. Tama augwa te masigi hauwa selama, tama aga tigi daiba ugwadu te masigi sąnama, tama augwa te masigi pesage holali te genuai pedelai. Tama te Israel dabe wi pelayu, te augwa bulu deli deliba ma tedela palio.