2 Samuel 19:8 - Godigo dwagi yai po buku

⁸ Joapgo po ola simanobo si da, teda king Devit hogodasa pelama, te taun hanuba pabo sunumi pąba duagi pai. Tama aga ami bidi dabego tama po odali, te king aselama, te taun hanuba soabo sunumi pąba duayagaselama, tede bidibo po odai. Tama tibaso, te ami bidi dabe pelama, aga dali hodobo bidigi pai. Te tigidali Israel dabe wi pelayu, te augwa bidali deli deli buluba ma pela silalio.

2 Samuel 19:8 Referans Kwoze

2 Samuel 18:24

Te sogo Devit te hanu obo bagulali genuai obo pąde dugulaludali. Tialima, te hanuba asobo bage tonalubo bidi pelama, te bagulali obo sunumi pąde ugwadu daiba dolagasali. Agai digibulu tonono pobadi, tama te bidi deli naga udada asobo suai.

2 Samuel 18:4

Tama kingo po wei ponoyu, te tama wai, “Te usu dao, eno te dagego homu wali pabo homu elalubao.” Tama Devit te taun bagulali genuai obo pąde dolalu, tama agai te ami hani dabe te nogo sągą sąyu, te mas ela peyu, te buluba soabo suai. Te ami bidi dabe te 1,000 bidi hanidu, me 100 bidi hanidu wasiasa soalio.

Te Israel me Juda Hani Sigo Tuni Bidigo Po Elalubo Buku Si 14:12

Tama augwaligo boi hwį hwį pelama, tama te Israel hani ami soldia bidi dagego te Juda ami soldia bidi dabe augwali aiyaba elaluali, tama te Juda dabego ami bidi dabe augwali augwa buluba wi pela silali.

Te Israel me Juda Hani Sigo Tuni Bidigo Po Elalubo Buku Deli 22:36

Te giliga iba degasa dulubo pąde igi pabo si da, teda te Israel ami bidi dabe, me Juda ami bidi dabego te tiwai i walio, “Da tigidali te dena bulu tǫ pedai kantriba, me te dena bulu dabeba pela silinao,” walio.

2 Samuel 19:3

Tama te ami bidi dabe augwa te hanuba ma begasa asiyu, te dua dua mu asiyu, te hwįbo side wi aselabo ami bidi dabe tiwai elama, tama genuai hale dali elasa asasawai dao.

2 Samuel 18:17

Tama augwa te Apsalomgo tigi selama, tama te buside genuai tǫ dedage me deliba aiyaba sąwani. Tama augwa te masigi hauwa selama, tama aga tigi daiba ugwadu te masigi sąnama, tama augwa te masigi pesage holali te genuai pedelai. Tama te Israel dabe wi pelayu, te augwa bulu deli deliba ma tedela palio.

2 Samuel 15:2

Tigidali side aga te kigamu digi mu hogodama, tama pelama, te hanu tomoba soabo sunumi pąba dolalugi piduali. Tama bidi me deligo te aga abagi dali wado po olama, tama te kingo dodolomainu asobo sogo da, teda te Apsalomgo aga i olama asobo si, tama agaba te tama po hanalu wali, “Nage mena bulu bidi dawe?” Tama te bidigo te aga te mena hani Israeldu asali po te agabolo weyu yai dao.

1 Samuel 4:10

Tialima, te Filistia dabego wąbi bomo elama, mu hwįnama, tama te Israel dabe aiyaba elalubaso, tama Israel dabe augwa buluba wi pepela walio. Te wąbi hwįani side te Filistia dabego te bidi umabo hauwa mu elalio, te e tama, 30,000 bidi tigidali elai dao.

Te Israel me Juda Hani Sigo Tuni Bidigo Po Elalubo Buku Si 8:21

Tama tibaso, te Jehoram agai te ami soldia bidi te karis kibude dolalua peyu, te hąuwa hwįbo koneai bidi naga sali, tama augwali Sair buluba te pedai badu te Idom hani dali hwįgi pali. Tama augwali pelama, te sabaligi pabode, tama te Idom hani augwali asama, tama te bage augwali bobegela sagaselama, tama augwali dali hwįainu tonaluali. Tama te hulide te Jehoram dali, te aga sę ebo gavman ofisa bidi dabe dali, augwaligo te hąuwa hwįabo karis kibu dolaluali, tama augwaligo te bomo mu elama, tama hąuwa hwįnama, te Idom hani sela sąyani. Tiali goli, agai te me badu ami soldia bidi dabe augwaligo te hąuwa hwįsąma, te augwa buluba ma wi pai.