2 Samuel 19:23 - Godigo dwagi yai po buku

²³ Tama kingo bomai po te Simeiba weyu, aga nogo guni sisu weyu, te tama po wai, “Eno mu po nagebolo obao, augwaligo nage me ela mugobeo,” wali.

2 Samuel 19:23 Referans Kwoze

Te Israel me Juda Hani Sigo Tuni Bidigo Po Elalubo Buku Deli 2:46

Te Simei pai madi, tama te kingo te Benaiabolo walama, te aga ela mugi pao po wai. Tialima, te Benaiago te king tagalama, pelama, tama te Simei ela mugi pali. Megi da, Solomon te bomai king mu pedelama, tama te bidi mego aga aiyaba elaluainu ebo te usu me ebeo.

Te Israel me Juda Hani Sigo Tuni Bidigo Po Elalubo Buku Deli 2:37

“Te nago te wę Kidron bolama, tama te hanu Jerusalem dali dąį elalubo taga pali da, teda polo tama eno te nage ela muaibao. Tama nage te naga digi yali dwai sęde isaibao,” wali.

Hibru 6:16

Bidi si augwa hasi konila po weyu da, teda bidi mego te gasa bidibolo agai wabo po mu po naga dao te hania ola momainogo eyu, te bidigo aga digi nogi weyu te mu po dao te wagobeo. Menio. Agai te gasa bidi me deli, te genuai nogi elalubo bidi, te bidigo nogi weyu tama agai wabo po te tiwai dąų wabo dao. Tama tebogo te bidi si tomode elalubo konila po togolama tama po me meni.

1 Samuel 30:15

Tialima, Devitgo agaba hanalu wali, “Nago te Amalek dabeba ena odasa pobaso da, te usu yaiba, agawe?” Tama agai te po wali, “Eno usu yaibao. Tiali goli, nago te Godigo nogide te bomai po dąų waliyu, te nago ena munu me ela musiąyu, ma ena te tonalubo bidigo nogoba magobe po wao,” wali. Tialima, Devitgo te bomai po agaba dąų walali.

1 Samuel 28:10

Tama Solgo agaba te tiwai bomai po me deli dąų waliyu, te tiwai po wali, “Te Genuai Bidigo nogide eno te mu po nageba dąų walu obao, nago te sę ebaso da, teda augwaligo nageba te dwai dene me iligobeo,” wali.

2 Samuel 19:24

Tama Mefiboset, te Solgo ogwago ogwa, te wai, aga me aselama, te king dali deliba gesabidi ununani. Te Devitgo te Jerusalem taga soali sogo gagalasa, tama te king ma asobo sogoba usu nagasu, te Mefiboset te aga sągą wę me telasiąbadi, tama aga penane nisi me togosiąma, tama aga ugwa me wę me telayu isiąbadi te Devit Jerusalemba ma asobo sogoba usu nanio.

1 Samuel 11:13

Tiali goli, Solgo augwaligo po wabo odama, tama agai te po wali, “Menio. Dago abagi deli me ela mugobeo, te sogode naga Genuai Bidigo da Israel dabe te boi bidi dabego nogode ma dobola sai dao,” wali.

2 Samuel 16:10

Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”