2 Samuel 19:21 - Godigo dwagi yai po buku

²¹ Tiali goli, Abisai, te Devitgo abe Seruiago ogwago, te tama po wai, “Te Simei isimaina ebo homu te wiegi yai da homu yai. Magi baso meni, agai te Genuai Bidigo nigilali kingba po dwai walio,” wali.

2 Samuel 19:21 Referans Kwoze

Ma Dobola Sali 22:28

“Tama dagego dwai po God enabolo me wasiąma, tama dagego te dwai po te we bidi augwaligo tobolu bidibolo dagego te Godigo aga dolomainogo, te dwai po me wagio.”

1 Samuel 26:9

Tiali goli, Devitgo agabolo te po wali, “Tagalao, nago aga me dolamuo. Magi baso meni, Genuai Bidigo Sol te sa mubaso king pedelali, tama bidi me deligo te Sol dolobaso da, teda Genuai Bidigo te tebo bidiba dwai dene ilaibao.”

2 Samuel 16:13

Devitgo te tama po ola silama da, tama aga dali, te aga hani bidi dabe dali, palio. Augwa te wali pali sunumi, te bulu du pąba pabo sunumi elaluali. Tama Simei te bulu du ugwadu soyu, tama Devitba dwai po wabo sę eyu, tama agaba te masigi me tǫ dulu sąbo sę yai dao.

2 Samuel 16:5

Devitgo te Siba dali po miani silibo si da, teda Devit te aga hani dabe dali te Bahurim buluba pali. Augwali te pesageba sabalubo sogo, te Solgo hani bidi me deli te buluba dįą aselama, te Devit dali deli gesabidi ununani. Aga nogi te Simei, tama aga te Gerago ogwa da. Simeigo te wado po wabo sę eyu, tama dwai po Devitba weyu, tama asidualio.

1 Samuel 24:6

Tama aga bidi dabe bidibo madiba ma pelama, tama augwaliba te tiwai po walali, “Genuai Bidigo enabolo te eno king dolomainu ilibeo, magi baso meni, te Genuai Bidigo digi aga nigilama, tama aga te king munama bidali. Eno te Genuai Bidigo sa muani kingba dwai kolesaga deli me egobeo,” wali.

2 Samuel 16:9

Tama Abisai, te Seruiago ogwago, te Devitba te tama po wali, “King, magi baso te dwai yowigo nageba te dwai po wali gogola tagalaliwe? Te eno aga dogoni togomainu ilao,” wali.

Godigo Nogi Ugwaba Sabo Tęąbi Po Wabo Buku Dabe 84:9

God, nago dago kingba wiegi yai sę yao. Naga digi aga sa mubaso, tama aga te king bidibao.

Te We Bidi Dabego Jerusalem Hagede Gela Wali 4:20

Tama augwaligo da bugagia bidimainu tonaluyu, da tau sali bidi me augwaligo tola salio. Te da te Genuai Bidigo sa muani te king dao. Dago homugo da te king dologode bidiyu, tama da bugagia bidiyu yaiba homu yali, te meba gasa kantri dabe ebo gilama bidigowe homu yalio.