2 Samuel 19:16 - Godigo dwagi yai po buku

¹⁶ Tama Simei, te Gerago ogwa, aga te Benjamingo hani bidi, tama aga te bulu Bahurimdu asai, aga te Juda dabe dali polo asesa, te Devit dali deliba gesabidi unulainu asai.

2 Samuel 19:16 Referans Kwoze

Te Israel me Juda Hani Sigo Tuni Bidigo Po Elalubo Buku Deli 2:8

“Tama Simei, te Gerago ogwa, te Benjamin hanigo tǫde te Bahurim bulu bidi, aga me bidali. Polobadu ena te Mahanaim tǫba pali sogo, agai enaba te po dwai mu weyu, tama te ena dolomainu te Godiba hanalu wai. Tiali goli, ena ma asali sogode, aga te wę Jordanba dulama, tama ena dali gesabidi deliba ununani, tama eno te Genuai Bidigo nogide bomai po dąų waliyu, te eno aga me ela mugobeo wali.

Matyu 5:25

“Tama bidi me deligo nage po tų ilainogo ebaso da, tama te po tų yabo sogo dage si tųdu pidubadi, tama polo nago po duga si te po dola sao. Te sogo nago aga dali dodola sisąwani da, te po tų yabo bidigo nage te po tų dodolobo bidi jasgo nogoba muaibao, tama jasgo nage enesigi bidigo nogoba munama, tama enesigi bidigo nage kalabusiba muaibao.

Jopgo Po Asęani Elalubo Buku 2:4

Te po obaso, Satango te po wei ponoyu, te po wali, “Mu tamawe? Tiali goli, eno homugo bidi me aga bugagia bidaibao homu eyu da, teda te bidi aga tigidali nai menama, aga bidibo ula abelaibao.

2 Samuel 3:16

Tiali goli, te Mikal augwaligo te Devitba ma odasa soabo sogo, Paltiel te Mikal wali peyu, gela wabo sę ela pali. Tialima, augwali te taun Bahunimba sabalubo si, tama Apnergo te Paltielbolo walali, “Nage te naga buluba ma geasa pao,” wai. Tialima, Paltielgo te po odama, tama aga ma geasa palio.

1 Samuel 10:8

Tama nage polasa pao, te bulu Gilgalba pelama, tama te bulude ena tonalu, te a naga olama me si sogo bidai madi, tama ena asu, nage dali muna sagasaibao. Tama eno te siaba tigidali ulubo ofa meba elama, te God dali deli haliga ebo ofa me yaibao. Tama eno nagebolo te nago mena sę yabo po me te waibao,” Samuelgo Solbolo te po wai.