2 Samuel 18:5 - Godigo dwagi yai po buku

⁵ Tama Devitgo te Joapba, me Abisaiba, me Itaibolo te tama bomai po mawai, “Dagego ena homu kone palama, tama dagego te gesi ogwa bidi Apsalomba te wiegi yai homu elama, olo tau sabo homu te bidiba yao,” te po wai. Tama Devitgo te ofisa bidi selabolo wabo po te ami bidi dabego me odali.

2 Samuel 18:5 Referans Kwoze

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

2 Samuel 18:12

Tiali goli, te bidigo Joapbolo te tama po wai, “Tagalao, nago enaba te mone silvago te 10,000 kina mobaso da, teda eno magi sę me deli te kingo ogwa dali me egobeo,” wali. “Magi baso meni, da tigidaligo te kingo po nageba me, Abisai me, Itaiba me, te tama po mabo odai, ‘Dagego ena homu kone palama, tama te gesi ogwa bidi Apsalomba olo tau sabo wiegi yai kolesaga yao,’ po wai dao.

2 Samuel 17:14

Husaigo po ola siminibo si da, teda Apsalom dali, te tigidali Israel dabe daligo te tama po wai, “Te Husaigo homu kolesaga te wiegi yai mu elama, tama te Ahitofelgo homu kolesaga te aiyaba elalualio,” te po wai. Genuai Bidigo te augwaligo homu te Husaigo homu kolesaga wali pomainu ilali, magi baso meni, Genuai Bidigo te Apsalom dolabo homu dola sai elaluai. Te mu tama, te Ahitofelgo homu te wiegi yai po wali, tiali goli Genuai Bidigo augwaligo te homu kolesaga wali pomainu me ilibeo.

2 Samuel 16:11

Tama Devitgo te Abisaibolo me te gasa ofisa dabeba te tama po wai, “Odao. Te ena ogwago digi ena ela muabo homu eyu da, teda magi baso da te e Benjamin hani bidigo enaba te wado po wabode te da midigi sobawe? Genuai Bidigo digi agaba obaso, te enaba dwai po omainu homu yali bogo, tama tibaso, aga te po omainu gogola tagalao.

2 Samuel 19:1

Tama nosali bidi mebago Joapbolo te tama po wali, “Devitgo te Apsalomde homu dene mu ebaso, tama gela wabo sę idubao,” wali.