2 Samuel 18:4 - Godigo dwagi yai po buku

⁴ Tama kingo po wei ponoyu, te tama wai, “Te usu dao, eno te dagego homu wali pabo homu elalubao.” Tama Devit te taun bagulali genuai obo pąde dolalu, tama agai te ami hani dabe te nogo sągą sąyu, te mas ela peyu, te buluba soabo suai. Te ami bidi dabe te 1,000 bidi hanidu, me 100 bidi hanidu wasiasa soalio.

2 Samuel 18:4 Referans Kwoze

2 Samuel 18:24

Te sogo Devit te hanu obo bagulali genuai obo pąde dugulaludali. Tialima, te hanuba asobo bage tonalubo bidi pelama, te bagulali obo sunumi pąde ugwadu daiba dolagasali. Agai digibulu tonono pobadi, tama te bidi deli naga udada asobo suai.

Aisaia 28:6

Genuai Bidigo te po tų odobo bidi dabebolo wiegi yai kolesaga menama, tama augwaligo po tų bugagia osola sueibao. Tama agai te hanude ami bidi dabe bomo mawaibao. Tama augwaligo te boi bidi dabe te hanu tomoba we bidi dabe dali hwįagasomainu sula tagalogobeo.

2 Samuel 18:1

King Devitgo aga ami bidi dabe sisinama, tama te 1,000 bidi hani, me te 100 bidi hani tonaluabo ofisa dabe nidigili pai.

1 Samuel 29:2

Te Filistia a naga king dabego te augwa ami dabe te 100 bidi me 1,000 bidi hani bubugulu pelama, tama te ami bidi dabe te hwįbo pesageba sela painu yali. Te Filistia dabe augwa ami polasa pobadi, tama Devit aga ami bidi dabe dali te king Akis tudi badu nosali pali.

2 Samuel 18:5

Tama Devitgo te Joapba, me Abisaiba, me Itaibolo te tama bomai po mawai, “Dagego ena homu kone palama, tama dagego te gesi ogwa bidi Apsalomba te wiegi yai homu elama, olo tau sabo homu te bidiba yao,” te po wai. Tama Devitgo te ofisa bidi selabolo wabo po te ami bidi dabego me odali.