2 Samuel 18:3 - Godigo dwagi yai po buku

³ Tiali goli, augwaligo te tama po agabolo wai, “Menio. Nage da dali me pogobeo. Te boi hwįbode da tigidali wi sobaso da, teda augwaligo dade te homu kone me egobeo. Te augwaligo da hani me badu togwa selama, elibaso da, tede me te augwaligo homu kone me egobeo. Tiali goli, nage da dali pai madi, tama augwaligo nage elibaso da, teda augwaligo te da hani 10,000 bidi elimainu ebo tiwai yaibao. Tama tiyu, dago homugo nage te taunde bidibaso, te wiegi yai yaiba homu ebao. Tama da te bidi, me hwįbo doado bage, sǫą pobaso da, teda nago da tau selama, tolomainu yaibao,” wali.

2 Samuel 18:3 Referans Kwoze

2 Samuel 21:17

Tiali goli, Abisai, te Devitgo abe Seruiago ogwago, te Filistia bidi sulama, tama aga aselama, te Devit tau sagasali. Tama Abisaigo te Filistia bidi dali hwįnama, tama aga ela muai. Tama te Devitgo ami bidi dabe aselama, tama Devitba bomai po weyu, te tama po wai, “Te dago boi hwįgi pabo sogo, nage da dali munu me aselamuo,” wali. “Nage te da Israelba te ula mabo lam sole tiwai elalubao, tama nago te lam sole ula sula sawainu me elamuo,” te po wai.

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Te We Bidi Dabego Jerusalem Hagede Gela Wali 4:20

Tama augwaligo da bugagia bidimainu tonaluyu, da tau sali bidi me augwaligo tola salio. Te da te Genuai Bidigo sa muani te king dao. Dago homugo da te king dologode bidiyu, tama da bugagia bidiyu yaiba homu yali, te meba gasa kantri dabe ebo gilama bidigowe homu yalio.

Te Israel me Juda Hani Sigo Tuni Bidigo Po Elalubo Buku Deli 22:31

Te sogo naga tama, te Siria kingo te 32 kepten bidi dabe i wali, te ami augwali te karisde dolalu hwįbo bidi dabe augwaliba te tama po wali, “Dagego te Israel kingba naga boi hwįąo, te dagego gasa bidi dabeba me hwįnamo dao,” wali.

2 Samuel 17:2

“Megi da, aga poma peyu, tama haliga sęgę elalubadi, te eno aga dali hwįgi paibao. Te aga dwai noma siyu, tama aga hani bidi dabe wi pabo si da, tama eno te king deli naga ela muaibao,” po wali.

2 Samuel 10:11

Tialima, Joapgo Abisaibolo te tama po walali, “Te hwįbo hodolama hwįbo sogo, tama nago suali, te Siria dabego da aiyaba elaluabo homu ebaso da, teda dage asu, da tau sagasao. Ma, te Amon dabego dage aiyaba elalueinu ebaso da, teda dago dage tau sagasaiba,” wali.

1 Samuel 18:7

Tama augwaligo tęąbi te tiwai wai, “Solgo te hauwa umabo tausen bidi elali. Tama Devitgo te umabo umabo hauwa tausen bidi mu elalio,” augwaligo te tiwai wai.