2 Samuel 18:2 - Godigo dwagi yai po buku

² Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.

2 Samuel 18:2 Referans Kwoze

Te Israel Tobolu Bidi Dabe 7:16

Tama Gideongo te 300 bidi dabe te hani sela nigilama wasilali. Tama agai te biugel me, te genagi dagede te ula ilibo ni kaneme elalubo te sospen sene tomode elalubo te selama, tama augwali deli delibolo te nai dabe mena mena pali.

Godigo Nogi Ugwaba Sabo Tęąbi Po Wabo Buku Dabe 3:6

Te 10,000 boi bidigo ena te tigidali badu bobogela sobaso, tagalao, ena augwalide wi me egobeo.

2 Samuel 17:11

“Tialima, eno homu da te tama tiwai, nago te Israel bulu tǫ pedai tigidali badu te tigidali bidi i olama, tama augwali sisinama, tama augwali umabo mu pedelama, te tamu ąį masigi kemi tiwai pedalumainu emainao. Tialima, te naga digi polasa peyu, tama dagego te Devit dali hwįgi piąo,” wai.

1 Samuel 11:11

Te kigamu digi mu, te be posisąbadi, teda Solgo te aga ami bidi dabe dagalama, hani sela wasilali, tama be posa pabode augwali te udada pelama, te Amon dabe dali hwįgi pali. Tama augwaligo te augwali elala pidubadi, tama te belo nai tuboba usu nigi pai. Tama te Amon dabe deli deli te tigi dolisiąwani bage, augwali te wi tedela pai.

Te Israel Tobolu Bidi Dabe 9:43

Tialima, Abimelekgo aga bidi dabe selama, tama hani sela nigilali. Tama augwali geme te bulu tomoba duala sigi pelama, tonalu bidali. Te agai te we bidi augwali te hanu tagalama aselabo side, aga te geme dualaluali pesage tagalama asiyu, tama augwali elagasali.

Te Israel Tobolu Bidi Dabe 7:19

Tama Gideon dali, te aga dali pali bidi dabe te bidi sese a naga 100 bidi augwali pelama, te boi bidi dabe bidalubo pesage sesegeba sabolali. Te be mu hulia sai pąde tama te sogo te Midian dabego hulide tonalubo ami bidi dabe te hasegelai digi dao. Tialima, Gideon me te bidi dabe badi augwaligo te augwa te biugel bu ola peyu, tama augwaligo te todolaluali tǫgo nigali sospen sene alulu palio.

2 Samuel 23:18

Abisai, aga te 30 bomai ami bidi dabego polalubo ofisa bidi da wali. Aga te Joapgo ama, tama augwa si ida te Seruia dao, te we da te Devitgo abe dao. Me sogo deli sogode Abisaigo te aga sesemone tulama, tama te 300 boi bidi dali hwįnama, tama tigidali ela muai. Tama aga te sela ami bidi dabego sali genuai nogi tobage te agai me salio.

Te Israel me Juda Hani Sigo Tuni Bidigo Po Elalubo Buku Deli 2:28

Te Joapgo te Apsalom dali me kisasiąwai, tiali goli agai te Adoniya tau salio. Tama agai te Adoniya me Abiatar dali side pedelali sę dabe po odama, aga te wi ebaso, tama te Genuai Bidigo ugwa beba wi pelama, tama te alta dage badu kisa sigi pelama, dolalugi pai dao.

2 Samuel 8:16

Joap, te Devit aga abe Seruiago ogwa, te ami dabego polalubo ofisa bidi bidali. Tama Jehosafat, te Ahilutgo ogwa, te polalubo kuskus sę bidi bidiyu, tama te gavman dabego sę ebo buku dabe tonalubo sę bidi bidali.

2 Samuel 21:17

Tiali goli, Abisai, te Devitgo abe Seruiago ogwago, te Filistia bidi sulama, tama aga aselama, te Devit tau sagasali. Tama Abisaigo te Filistia bidi dali hwįnama, tama aga ela muai. Tama te Devitgo ami bidi dabe aselama, tama Devitba bomai po weyu, te tama po wai, “Te dago boi hwįgi pabo sogo, nage da dali munu me aselamuo,” wali. “Nage te da Israelba te ula mabo lam sole tiwai elalubao, tama nago te lam sole ula sula sawainu me elamuo,” te po wai.