2 Samuel 18:1 - Godigo dwagi yai po buku

¹ King Devitgo aga ami bidi dabe sisinama, tama te 1,000 bidi hani, me te 100 bidi hani tonaluabo ofisa dabe nidigili pai.

2 Samuel 18:1 Referans Kwoze

1 Samuel 8:12

Tama agai te bidi meba te 1,000 ami bidigo kepten polalubo bidi, me te 50 ami bidigo polalubo bidi tama nigilaibao. Tama agai te dagego wai mebago te agai gi bulabo tǫ elimainu eyu, tama mebago te agai gide inayu tau yali nai saibao. Tama mebago te hwįabo ene nigaibao, tama agai karisde peyu, hwįabo nai dabe me nigaibao.

Josua 8:10

Tialima, te kigamu digi mu te Josua hodaluama, tama te ami bidi dabe deliba sisinagasomainogo i wai. Nosali, aga dali, te Israel dabe genuai bidi dabe dali, augwali polasa peyu, tama te ami te Ai hanuba odasa pai dao.

Ma Dobola Sali 17:9

Tama Mosesgo bidi me deli Josuabolo po weyu, te po wai, “Nago dago bidi meba usu selama, tama do dagego te Amalek dabe dali hwįgi pao. Tiali goli, ena da, te dwasianu bulu du bagede dolaluyu, tama Godigo enabolo te sela bilao wali dono te eno nogogo tolaluaibao,” wali.

Ma Dobola Sali 18:25

Tama agai te Israel dabe augwali tomode te po page koneai bidi dabe augwali sa munama, tama augwaligo te bidi sese hauwa 1,000 we bidi, me te we bidi 100, we te 50, we te 10 we bidi meba tama tonaluabo bidi nigilai.

Israel Hanigo Namba 31:14

Augwaligo te bage sulama, tama Mosesgo te 1,000 ami bidi tonalubo ofisa bidi, me 100 ami bidi dabe tonalubo ofisa bidi dabe sesanani. Megi da, augwali hwįani madi tagalama, augwa pesageba ma asali.

1 Samuel 22:7

Tama tialima, Solgo aga ofisa dabebolo te po walali, “Dage te Benjamingo hani bidi da, bugagia odiąo! Dagego homugo te bidi Devitgo dageba te nai gi meba, me te wain gi me meba te maiabo homu eyu yali da, agawe? Tama agai dage deli delibolo te 1,000 ami bidi, ma te 100 ami bidi tonalubo ofisa bidi pedalumainu homu ilibo homu eyu, yali da agawe?

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Bomai Po 20:9

Te ofisa dabego te po ola silama, tama augwaligo te deli deli ami bidi hani tomode polaluabo bidi dabe sa mumuna pao, te boi hwįabo bidi hani tomode,” wali.