2 Samuel 17:4 - Godigo dwagi yai po buku

⁴ Apsalom dali, te Israel dabego tonalubo bidi dabe daligo te po odama, tama augwa homugo te wiegi yai homu mu da homu yali.

2 Samuel 17:4 Referans Kwoze

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

Esta 5:14

Aga we Seres badi, te aga abagi dede augwaligo agabolo te po wai, “Moni homu me igio. Te bidi dabe augwalibolo olama, augwaligo te ni bobobage me deli tulao, te aga bobobage usu nama nedebo, te bidi sese tama 20 mita, tama do kigamu nage te tuni bidi bidibo madi pelama, te Mordekai te nide walabo po hanalugi pagameo. Te tiwai eyu da, te nage homu wiegi yai elama, te nage nai tugi paibao,” wali. Hamango te wiegi yai po da te homu yai, tama agai te bidi dabe mebabolo olama, tama augwaligo te Mordekai walabo ni me deli tulai dao.

Esta 1:21

Te gavman tuni bidi king te aga tobolu bidi dabe dali augwaligo te po godolo elama, tama king bidigo te Memukango wali po gilama, te tiwai yai dao.

Tuni Bidi Dabego Po Elalubo Buku Si 30:4

King me te we bidi augwaligo te pode usu dao olama, deli homu yali.

1 Samuel 23:21

Tama Solgo augwaliba te po wai, “Dagego wiegi yai kolesaga eyu, te ena tau sobao. Tama tiyu, eno homugo te Genuai Bidigo dage wiegi yai bugagia ilimainu yaibao.

2 Samuel 17:3

“Tama eno agai hani bidi tigidali te eno nageba ma odasa asaibao. Te augwali te we me deli te megi tamadi sai wego tama aga bidide dwai haliga sębę ebaso, te wi pabo tiwai yali, tiali goli nosali te aga bidiba ma asobo tiwai gilama emainu yaibao. Te nago homugo te Devit wali pali we bidi te nageba ma odasa asomainu ebo homu elalubao. Tama tiyu, nago te Devit ela mumainu homu elama, tama te we bidi dabe bugagia bidimainu homu elalubao,” wali.

2 Samuel 17:5

Tama Apsalomgo te tama po wai, “Te Husai me i olama, te aga homude elalubo po pusagaselama, te dago odaibao,” wali. Tialima, augwa aga i olama, asali.