2 Samuel 17:22 - Godigo dwagi yai po buku

²² Devitgo te po wabo oda selama da, teda polo tama mu te aga hani selama, tama augwa te wę Jordan nogelama, u badu palio. Tama be posobode, tigidali pela silalio. Te me deli tede me bidibeo.

2 Samuel 17:22 Referans Kwoze

Dwagi Yai Gesi Po Jongo Asęani 18:9

Tamadi agai te po God dali wai, “Nago ena mani bidi dabe augwali eno me tagalobeo,” wali. Tama Jisas agai te tamadi wali po usu numainogo, agai ‘Augwali olo pomainao’ po megi wali.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Bugagia Bidibo Kolesagade Po Asęai Buku 27:12

Te wiegi yai homu elalubo bidigo, agai te tiwai koneani, te sęgę agaba pedelainu ebaso, tama agai te geda sali. Tiali goli, te wiegi yai homu elalusiąbo bidigo, aga te aga sunumide te dwai sę edubo sulama digi, tama aga pelama, tama gesabidi si deliba unulama, tama te sęgę tolobo dao.

2 Samuel 17:24

Tialima, Apsalom dali, te Israel ami bidi dabe dali, te hogodama, Devit pali wali pobeali. Tiali goli, Apsalom te Jordan wę nogebo sogo, Devit te aga hani bidi dabe dali te hanu taun Mahanaimba sabolalio.

Israel Hanigo Namba 31:49

agabolo te po wali, “Genuai bidi, dago dena tonaluali ami bidi dabe nedali, te dolo tama bidibo suali, te boide me isai sube.

2 Samuel 17:21

Te ofisa dabe augwa ma geasa pai madigi, Ahimas de Jonatan si te tǫ dedagede dualaluali tagalama, tama buluba teda soalio. Tama augwali si te hogodama, te Devit bidibo madiba palio. Tama augwali sigo agaba te tama po wai, “Nage ede me bidilamuo. Nago te naga hani tigidali selama, tama asesa, tama te wę nogelama, te u badu pedaiba pao,” wali. Tama nosali, augwali sigo te Ahitofelgo aga dolainu wali po tigidali te Devitba walali.

2 Samuel 17:23

Ahitofelgo te Apsalomgo agai po wali pabo susiąbaso da, tama aga donkiba duagi pelama, tama aga hanuba digi ma geasa pai. Tama aga pelama, te aga we waigo tigidali doado bage me, te aga bisnis me, te tigidali dodolama, tama nosali aga digi te aga ba bonoba walama, tama isalio. Tama aga hani sibi dabego te aga tigi selama, tama aga ayago gų pageba pubaligi palio.

Godigo Nogi Ugwaba Sabo Tęąbi Po Wabo Buku Dabe 42:6

Te boi bidi dabego ena te augwa buluba odasa asobaso, tama megi eno page bulu te digibulu mu elalubao. Tama tibaso, eno haliga sęgę mu ebao. Tama tiyu, God, eno homu kone nageba ebao. Nago te enaba te haniani genuai sęgę menama, tama augwaligo ena mesegelali, te moni soabo ąį tiwai dao. Tama te masigi yai madi soabo wę te aiyaba sabo duluyu, te węgo kulukulu umabo mu wabo dao. Te tiwai me te enaba pedelali sęgę dabego te eno homu kone tųą pali. Nago te biksi peda pomainu elama, tama pepeda pomainu yali, tama te nambisde tǫ mesegebo dao. Tama te tiwai naga nago enaba te muani sęgę tigidaligo te ena mesegelibo dao.