2 Samuel 17:18 - Godigo dwagi yai po buku

¹⁸ Tiali goli, te sogo te gesi ogwa bidi me deligo augwali si sulama, tama te Apsalombolo wagi pali. Tama augwali si asesa polo te Bahurim bulu bidi me deligo beba palio. Te bidigo be pąde te wę ulu me deli elaluali, tama Jonatan dali Ahimas si te tǫ dedage tomoba pelama, geme dualaluali.

2 Samuel 17:18 Referans Kwoze

2 Samuel 3:16

Tiali goli, te Mikal augwaligo te Devitba ma odasa soabo sogo, Paltiel te Mikal wali peyu, gela wabo sę ela pali. Tialima, augwali te taun Bahunimba sabalubo si, tama Apnergo te Paltielbolo walali, “Nage te naga buluba ma geasa pao,” wai. Tialima, Paltielgo te po odama, tama aga ma geasa palio.

2 Samuel 16:5

Devitgo te Siba dali po miani silibo si da, teda Devit te aga hani dabe dali te Bahurim buluba pali. Augwali te pesageba sabalubo sogo, te Solgo hani bidi me deli te buluba dįą aselama, te Devit dali deli gesabidi ununani. Aga nogi te Simei, tama aga te Gerago ogwa da. Simeigo te wado po wabo sę eyu, tama dwai po Devitba weyu, tama asidualio.

2 Samuel 19:16

Tama Simei, te Gerago ogwa, aga te Benjamingo hani bidi, tama aga te bulu Bahurimdu asai, aga te Juda dabe dali polo asesa, te Devit dali deliba gesabidi unulainu asai.