2 Samuel 16:7 - Godigo dwagi yai po buku

⁷ Simeigo Devitba te dwai po te tama wai, “Nage gedao! Nage te bidi ela mubo bidi dao! Nage dwai bidi, nage gedao!

2 Samuel 16:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 51:14

God, nage te God nago ena ma sabo bidi dao, nago ena dali olo mabo sę tigidali dwagi yai eyu, tama nago ena ma elegio. Tama eno nago nogi ugwaba siyu, nagebolo tęąbi hauwa waibao, nago doloba pai kolesaga naga ebo dao.

Godigo Nogi Ugwaba Sabo Tęąbi Po Wabo Buku Dabe 5:6

Nago te tigidali tibo po wabo bidi dolobo da. Tama bidi ela mubo bidi dabe, me te tibo po weyu, te gasa po dali ugwadu ma daganobo bidi, te nago godolo homu mu me egobeo.

Te Israel me Juda Hani Sigo Tuni Bidigo Po Elalubo Buku Deli 21:13

Tialima, te dwai bidi si Nabot pąba dolo si dugayagasali, te we bidi dabego gedude augwali sigo tibo po kisilama, Nabotba te tiwai po wali, “Nabotgo te dwai posobo po te Godiba me kingba walio,” wali. Te we bidi augwaligo te wabo po odolama, tama augwaligo Nabot te bedu taun buluba sela solama, te augwaligo agaba masigi sąnama, aga ela muai dao.

Te Israel me Juda Hani Sigo Tuni Bidigo Po Elalubo Buku Deli 21:10

“Tama te dwai bidi si aga pąde dugamainu ilao, tama te bidi sigo agaba te tiwai po kisilama omainu ilao, ‘Nabot, nago dwai po te Godiba me kingba wali.’ Te tama po Nabotba kisilama po walama, Nabot te taun buluba sela solama, te agaba masigi sąnama, te aga ela muao,” te po te pasde wai dao.

2 Samuel 12:9

Magi baso nago ena Genuai Bidigo po te olo nai da homu eyu, te po sela sąnama, tama nago te dwai kolesaga yaliwe? Nago Uria te Amon dabego nogode ela mumainu elama, tama nago aga we salio.

2 Samuel 3:37

Tama te Devitgo we bidigo me, te Israel we bidigo me, te sę dabe te king Devitgo te sogode ebo sulama, tama augwa te tama koneani, te kingo te Nergo ogwa Apner ela muani bidi dali te deli homu me ebe homu yali.

1 Samuel 25:17

Tama tiyu, nago bugagia koneao, megi da, te Devit aga bidi dabe dali asiyu, te dago genuai bidi me te tigidali we bidi dali dolagasaibao. Tama magi naigo nago te yagasobo sę paliabo sunumi te bugagia homu kone palao. Ena nageba asali, magi baso meni, Nabal te hagoma bidi, tama agai te dago po me odogobeo,” wali.

1 Samuel 2:12

Hopni me Finias, te Eligo ogwa si, te bidi dwai si mu. Augwali si te pris bidai, tiali goli, augwali sigo te tiwai homu yai, Genuai Bidi te olo nai tobage tiwai da homu elama, tama augwali sigo subigila sę yali.

Bomai Po 13:13

te dage tomode te dwai bidi dabe meba augwa hanude bidalubo we bidi dabe homu kolesaga dolama, tama augwali te tibo god augwali polobadu lotu wasiąwai, te godiba lotu wabao po wabo odoyu da,

2 Samuel 16:6

Te Simei te Devit me aga ofisa dabe augwali pąba asali sogo, agai te masigi meba augwaliba sąwani. Agai te hauwa we bidide me, te Devit tonalubo ami bidi dabede me, te wi me isąyu, augwali te Devit dali peyu, tama Devit te augwali tomode bidai. Te aga wi me ebeo. Menio.

2 Samuel 19:21

Tiali goli, Abisai, te Devitgo abe Seruiago ogwago, te tama po wai, “Te Simei isimaina ebo homu te wiegi yai da homu yai. Magi baso meni, agai te Genuai Bidigo nigilali kingba po dwai walio,” wali.

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

Godigo Nogi Ugwaba Sabo Tęąbi Po Wabo Buku Dabe 55:3

Te boi bidi dabego ena dolabo po bomo mu yai. Te dwai bidi dabego ena aiyaba mu elalu yali. Tama tiyu, eno haliga te dwai sęgę mu yai. Augwaligo te sęgę hauwa enaba muyu, te wado po dali weyu yai, tama augwaligo enaba boi bidi mu ebao.

Godigo Nogi Ugwaba Sabo Tęąbi Po Wabo Buku Dabe 3:2

Mu tama, te augwa hasi augwaligo enade te tama wabo, “Te Godigo aga me tau sogobeo,” wabo.

Godigo Nogi Ugwaba Sabo Tęąbi Po Wabo Buku Dabe 55:4

Ena te augwalide wi umabo mu eyu, tama ena isabo homu elama, tama tego ena haliga sęgę mu ilibo dao.