2 Samuel 16:2 - Godigo dwagi yai po buku

² Tama Devitgo agaba hanalu wali, “Magi baso nago te nai dabe sesaliwe?” Tialima, Sibago te tama po wei ponani, “Te e donki dabe te nago sibi dabego dugulasa bilabo donki dabe dao. Tama te bret, me te nedu du, te nago hanigo tumainu ebo nai da. Tama te wain wę da, augwa te kemi tǫ wa paide bilalu, tama augwa tigi te hagela ebaso tumainu yabo wę dao,” Sibago te po wali.

2 Samuel 16:2 Referans Kwoze

Te Israel Tobolu Bidi Dabe 10:4

Te agai ogwa dabe te 30 ogwa dabe elaluali, tama augwali te kibu donki te 30 donkide dualama bilali. Te augwaligo hanu 30 te Gileat tǫde elaluali. Tama te hanu dabe augwaligo nogi eyu, te Jairgo Ugwa Be Hanu da wali, te nogi elalua asali te megi e sogoba usu nagasali elalubao.

Te Israel Tobolu Bidi Dabe 5:10

“Dage te tedela yai donki te sadelde duabo genuai bidi dabe, tama dage te sągągo bilibo olo bidi dabe, dagego te nai po page pusao.

Esekiel 37:18

Tama naga abagi dedego nago te sę yali page po hanalubo sogo da,

2 Samuel 19:26

Tama Mefibosetgo te tama po wei ponai, “Eno genuai bidi, nago koneani, ena sągą dwai elalubao. Tama te sogo nago te Jerusalem taga pali sogo, te eno augwaliba weyu, te eno donki dodolao po wali, te donkiba ena duagulama, te ena nage dali painogo yai. Tiali goli, ena sę bidigo ena tibo po ola mawai dao.

2 Samuel 15:23

Te Devit aga hani dali augwa te Jerusalem taga pabo sogo, te tigidali we bidi gela umabo sę elama, mu dwai homu dene ebo gela wai. Tama king te aga hani dali te wę Kidron nogelama, tama te bulu kemi tǫ wa pai bulu pedaiba poloba pelawali.

2 Samuel 15:1

Tiali goli nosali, Apsalomgo te wiegi yai karis me deli me, te hos meba me selama, tama te aga meba me painogo ebo sogo, aga te karisde dualasa peyu, te polasa pabo bidi te bidi sese si olama, nogo si, te 50 bidi me salio.

1 Samuel 25:27

Tama tialima, genuai bidi, eno homugo te eno nageba wiegi yai homu ilimainu te sesali nai te nago somainu homu ebao, tama naga hani bidi dabeba mao,” wali.

1 Samuel 14:28

Tama bidi me deligo Jonatanbolo te po wai, “Da tigidali nasi eyu, bomo meni ebo, magi baso meni, te nago ayago da te nai tugio olama, habu seliyu, tama dabolo po bomonama te tiwai po wai, te bidi me deligo e boi hwįbo sogo bubugade te nai me tubaso da, teda Godigo aga dolaibao po wai dao,” wali.

Tigidali Nai Gagalama Nigali Side 33:8

Tama Isogo te po wai, “Eno te gasa hani polasa sobadi sisinama suai. Te magi basowe?” Tama Jekopgo te po wali, “O genuai bidio, te nago homu wiegi yai ena dali emainu yai dao!”

Tigidali Nai Gagalama Nigali Side 21:29

Tama Abimelekgo agabolo hanalu wali, “Magi baso nago tama tebawe?”