2 Samuel 16:1 - Godigo dwagi yai po buku

¹ Devitgo te Husai dali po mia silama da, teda aga te bulu du bagede bidali tagalama, tama dwasianu pabo gana yali. Tama Siba, te Mefibosetgo sę bidi, te asu, agaba gesabidi ununani. Sibago te 200 bret me, te augwaligo olali te duani wain wai te 100 me sobadi, te ni fik wai duani te 100 me, te meme tigiwali delide te augwa wain wę tede tabiai elaluali. Tama aga te nai dabe te donki siba munama, tama Devitba selasa asai.

2 Samuel 16:1 Referans Kwoze

1 Samuel 25:18

Abigelgo te po odama, tama polo tama aga te 200 bret sisi elama, tama te meme wali si me augwa te wain wę paganai elaluali, tama te ulali a naga sipsip, me te 20 kilogram wit augwa te siaba ulai nai me, te 100 wain bono du duani me, te duani 200 fik te augwa olali, tama te tigidali nai selama, te donki meba teba muanio.

2 Samuel 15:32

Augwali te bulu duba holama, tama augwa te Genuai Bidiba lotu wabo pesageba sabaligi palio. Augwa teba sabalubo si da, teda te Devitgo abagi me deligo te aga dali deliba gesabi ununama, tama aga dali painu yali. Te bidi aga nogi Husai, tama aga te Arka bulu bidi dao. Agai te aga ugwa pisilama, tama aga tobolude tǫ piali, te aga Devitde genuai homu dene ebo ola mayu, te tiwai yai dao.

Amos 8:1

Te na ebo tiwai Genuai Bidigo enabolo te basket wa me delide te haniani tau yai nedu du hauwa tede pągąnalubo tiwai ola mani.

Jeremaia 40:12

Tialima, te Juda dabego te boi bidigo augwali sela sąwani tǫ kantri tagalama, te augwali Judaba ma asalio. Tama augwaligo Mispa teba Gedalia sugi pali. Tama nosali, augwaligo te gide haniani nai sali, te augwaligo wain me wiegi yai nai hauwa elaluai.

Jeremaia 40:10

Ena digi ena te Mispade bidaibao. Te Babilongo da suagasobo sogo da, te ena dago Judade po pusubo bidi tiwai bidaibao. Tialima, dage te duga sali taun dabeba ma begasa pelama, te dagego ni du wai dabe selama, te wain me, wel me nigilama, te nosali sogo tuabo munalumainao,” wali.

Tuni Bidi Dabego Po Elalubo Buku Deli 12:40

Te tigidali tǫ pedai badu te tigidali Israel, te Isakar me Sebulun me Naptali te hani sela bidibo te not badu usu nama sisinama, te wiegi yai pemene umabo mu eyu, tama augwa te haniani nai sibi te Hebronba sisinibo sę yai. Augwaligo te plaua hauwa badi, te duani wain wai du dabe me, te ni fik kaya te augwaligo olali me salio, te hauwa wain me oliv wel sobadi yali. Augwa te nai dabe te donki dabeba, me kamel dabeba, me bulmakau dabeba ugwadu munama sesalio. Tama augwa te we bidi dabego tuabo bulmakau me sipsip dabe me sesai dao.

2 Samuel 19:32

Barsilaigo kibu be te bidi sese me si me si, te 80 kibu be bidai elaluai, tama aga monu dabe mu yai. Agai te mone doado bage hauwa elaluai, tama agai te king Devit tonalu, tama te Devit dali, aga hani dabe dali, augwali te hanu Mahanaimde bidali sogo nai geseyu bidai dao.

2 Samuel 15:30

Tama king Devit te homu sęgę mu ebaso, tama aga sągą nadoba su dia sanama, tama ugwa namego aga tobolu mesegaluali. Tama aga gela umabo sę elama mu weyu, tama peyu, te sunumidu wali palio. Te ugwaba holobo sunumi te Oliv bulu du bolama pabo sunumi elaluali. Tama aga dali pali we bidi tigidali, augwali me te augwa tobolu mesega selama, tama augwa gela wabo sę ela peyu, tama palio.

1 Samuel 16:20

Tialima, Jesigo odama, tama Devit te Solba tagala palali. Agai Devitbolo te donki me deli mobadi, tama te bret meba te basket side pągąnama, tama te donki tudi badu daide kęnani. Tama me agai te Devitba te meme wali me deli augwaligo te wain buai te mani, tama gesi meme me deli me, tama agai Devitbolo weyu, te nai dabe te Solba wiegi yai homu tiwai ilama mao wai.

1 Samuel 10:3

“Tialima, nago te bidi augwali si tagalama pobadi, tama te habu selali ni te Tabor buluba sabolama, tama nago tede bidi sela te gesabidi sueibao. Augwali te Godiba ofa ilainu, te Betel buluba pabo sueibao. Te bidi sela te bidi me deligo te gesi ogwa bidi meme sela te sela asobo, te gasa bidi mego te bret sela sesali, tama sela wali bidigo te meme tigi walide augwaligo te wain wę tabiali, te abilasa asobo sueibao.

Maika 7:1

Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.

Bugagia Bidibo Kolesagade Po Asęai Buku 18:16

Te nago te genuai bidi me deli dali po miainogo da, teda nago te agaba te wiegi yai homu ilabo nai me deli selasa pobaso, tama te agai te nage agaba asomainu yaibao.

2 Samuel 19:17

Tama te Benjamingo hani bidi 1,000 te aga dali asai. Tama me, Siba, te Solgo hani sibi dabego sę bidi me, te aga ogwa dabe te 15 ogomani, me te aga sę bidi te bidi sese deli badi, tama augwa bolo asesa pelama, te king Devit asisąbadi, te wę Jordanba polasa sabolai.