2 Samuel 15:7 - Godigo dwagi yai po buku

⁷ Te kibu be me si me si te bidama da, tama Apsalomgo te king Devitba te tama po wagi pali, “King o, te eno bomai po me deli te Genuai Bidide dąų walali po usu nigi peyu, tama nago ena te Hebronba pomainu yao homu yaibawe?

2 Samuel 15:7 Referans Kwoze

Aisaia 58:4

Dagego te po weyu, te dage nai habu selama, enaba gedu haluasa po waibao wai. Tiali goli, dagego kolesaga te gasagi yai tedali mu yalio. Dagego te wado elama, hwįyu, nogo sugunama, te gasa bidi gesabidide eliyu ebo dao. Dagego te dwai kolesaga te dagego nai habu selama, bidibo sogo ebaso da, teda eno dagego gedu haluasa po wabo me odogobeo.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Matyu 2:8

Tama tilama, agai augwali te Betlehem buluba tagala paliyu, tama te po wali, “Dage pelama, tama bomo elama te wai gegao. Tama dagego gegelama subaso da, teda dagego po enaba ma sela asao. Tama ena me pelama, agade kidu sugunama, eno agade lotu po wagi paibao,” Herotgo te po wai.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

2 Samuel 3:2

Te Devit te Hebronde bidali sogo, agai te ogwa a naga olama, me badu kibisa nogo deli tede ame nani. Augwa nogi dabe te tiwai, te gomunai ogwa aga te Amnon. Te Amnongo ida te Ahinoam, te Jesril bulu we dao.

2 Samuel 3:3

Te tomo ogwa te Kileap. Te Kileapgo ida te Abigel, te Karmel bulu we. Polobadu Abigel te Nabalgo we da, tiali goli te Nabal isibaso, tama Devitgo aga sali. Te sela wali ogwa te Apsalom. Te Apsalomgo ida te Maka, te king Talmai te Gesur bulu bidigo wegi dao.