2 Samuel 15:5 - Godigo dwagi yai po buku

⁵ Tama me, te bidi me deligo te Apsalom sulama, tama agaba kidu sugunagasu, te agaba genuai nogi magasubaso da, teda Apsalomgo te bidigo te tama temainu eyu gogoliyu, me sula tagalobeo. Menio. Te Apsalomgo aga pagea siyu, nono nani.

2 Samuel 15:5 Referans Kwoze

2 Samuel 14:33

Tialima, Joap te kingba pelama, tama agaba te Apsalomgo wali po dabe wagi pali. Kingo odolama, tama agai te bidi meba tagala palama, te Apsalom sigi pelama asomainu yai. Apsalom aselama, te king gesabidiba te tǫba degasa dulali, te kingba genuai nogi mayu tiali. Tama kingo aga nono nanio.

Bugagia Bidibo Kolesagade Po Asęai Buku 26:25

Te tobage bidigo po dabe te nago olode pusu yaibao, tiali goli nago agai po nago homuba dąų me ola sigio. Magi baso meni, te gasa tobage dwai homu dabe te agai haligade pągąnalubao.

Godigo Nogi Ugwaba Sabo Tęąbi Po Wabo Buku Dabe 55:21

Te pedauwalide agai pusai po wali, tiali goli te haligade agai te boi bidi enade elaluali. Te agai pogo dago tabi nagame ilama bidibao. Tiali goli, te po te bobobage bainat hwą tiwai mu poa pelama, tama da togobao.

Dwagi Yai Gesi Po Lukgo Asęani 7:45

Nago beba ena asobadi, dwagi yai homu elama, nago ena nono nabe. Tiali goli, e wego da, ena asobode gagalama eno sągąde nono nabo togobeo.

2 Samuel 20:9

Tama Joapgo te tama po Amasa dali wali, “Siade da, ama, nage bugagia bidibawe?” Tama aga Amasago penane nisi te dolo nogogo tola selama, tama agai te aga dali nono nainogo ebo tiwai gilama yalio.