2 Samuel 15:3 - Godigo dwagi yai po buku

³ Tialima, Apsalomgo te sęgęgo page koneama tama da, te Apsalomgo agaba te tama po weyu yai, “Odao, te nago po dolo mu da,” weyu yali. “Tiali goli, hobede ya, kingo te nago po dagalumainu ebo bidi me nigilibeo,” tama po wali.

2 Samuel 15:3 Referans Kwoze

2 Pita 2:10

Tama te bidi dabe augwali meba te dene genuai mu saibao. Te augwaligo tigigo yainu meda yai kolesaga wali pabo homu hodolo bidi dabe augwaligo te tigidali genuai bidigo po hagela eyu, tama te po sela sąbo dao. Tama te tibo po ola mabo bidi dabe augwali te hale isiąbo bage dao, tama augwaligo augwa homu naga wali pabo dao. Wi me esiąyu, tama te bidi dabe augwaligo te dagalude bidibo genuai mobo bidi dabe dali dwai posobo po wabo dao.

1 Pita 2:17

Tama dage tigidali bidi dali augwali nogi ugwaba sabo homu eyu, augwali dologode bidao. Godigo we bidi hani dali dwagi yai homu eyu, godolo mu yao. God aga wi eyu, tama aga dologode bidao. Te gavman tuni bidi aga nogi ugwaba muyu, aga dologode bidao.

Godigo Sęba Tagala Palai Bidigo Po 23:5

Tama Pol agai te po wali, “Ama dedeo, eno konebeo, te tuni bidi pris aga bidibadi digi yabuo. Te eno geda muai yabuo. Magi baso meni, Godigo po wabo asęani bukude te po me deli elalubo, ‘Duga tonalubo tobolu bidibolo posobo po wagimio,’” wali.

Matyu 15:4

Te Godigo te po wai, ‘Nago naga aya de ida sigo nogi ugwaba siyu, augwali sigo po wali pao’ wali, tama me ‘Te bidigo aga aya de ida si dali dwai po obaso da, teda te bidi aga ela muao,’ Godigo te po si wai.

Daniel 11:21

Tama te bidi te da tǫde bidi tiwaigo te enaba po ma wali, Danielba, te tama po wali, “Nosali te gasa Siria king pedelaibao, tama aga te dwai bidi mu yaibao. Te bidi aga te king pedelabo bidi tiwai ąǫ isąwaibao, tiali goli polo tama te aga pedelama, tama te haniani homu bega sabo po me tibo po weyu yaibao, tama aga digi te Siria king bidimainu ilaibao,” wai.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bugagia Bidibo Kolesagade Po Asęai Buku 30:11

“Te meba bidi dabego te po wabo dao, Godigo te augwa aya idabolo te dwai sę emainao wabo dao.

Bugagia Bidibo Kolesagade Po Asęai Buku 12:2

Te bidigo wiegi yai kolesaga wali pobaso da, teda Genuai Bidigo aga dali pemene homu eyu, bugai haliga eyu dwagi yai sę yaibao. Tiali goli, bidi mego te gasa bidi dali muma sabo kolesaga ebaso da, teda Genuai Bidigo po agaba wabo si, teda aga dolaibao.

Godigo Nogi Ugwaba Sabo Tęąbi Po Wabo Buku Dabe 12:2

Te tigidali bidigo te gasa bidi dabeba tibo po wabo da. Te homu bega sabo pogo augwali te geagano bilibo tiwai ebo dao.

2 Samuel 8:15

Devitgo te Israel tǫ pedai tigidali badu tonalu, tama agai wiegi yai doloba pai kolesaga te tigidali we bidi dali yalio.

Israel Hanigo Namba 16:3

Tama te bidi dabe augwali sisinagaselama, Moses de Aron si pageba sisinagaselama, tama augwali sibolo e tama po wali, “Odao, da tigidali tama te Genuai Bidigo dao, te dage si naga menio. Tama Genuai Bidi da tigidali dali bidibao. Tama tialima, dage sigo magi baso duga nogi ugwaba selama, da tonalubawe? Dage sigo kolesaga dolo menio,” tama po wali.

Ma Dobola Sali 21:17

“Niwai bidigo aga aya de ida si dali wado po weyu, dwai dolabo bomai po wabo bidi, teda te bidi aga dagego ela muao.”

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

2 Samuel 15:4

Tama Apsalomgo te bidiba te tama po weyu yai, “Eno homugo ena digi ena te po odobo jas bidi bidabo homu godolo ebao. Te ena tama te bidigi sogo da, teda eno te sęgę elalubo bidi dabego po dagaligi baso, tama te augwaligo po te eno bugagia dodoligi dao,” wali.