2 Samuel 15:23 - Godigo dwagi yai po buku

²³ Te Devit aga hani dali augwa te Jerusalem taga pabo sogo, te tigidali we bidi gela umabo sę elama, mu dwai homu dene ebo gela wai. Tama king te aga hani dali te wę Kidron nogelama, tama te bulu kemi tǫ wa pai bulu pedaiba poloba pelawali.

2 Samuel 15:23 Referans Kwoze

2 Samuel 16:2

Tama Devitgo agaba hanalu wali, “Magi baso nago te nai dabe sesaliwe?” Tialima, Sibago te tama po wei ponani, “Te e donki dabe te nago sibi dabego dugulasa bilabo donki dabe dao. Tama te bret, me te nedu du, te nago hanigo tumainu ebo nai da. Tama te wain wę da, augwa te kemi tǫ wa paide bilalu, tama augwa tigi te hagela ebaso tumainu yabo wę dao,” Sibago te po wali.

Dwagi Yai Gesi Po Jongo Asęani 18:1

Te Jisasgo te po olama, tama Jisas aga bidi dabe dali augwaligo te bulu tagalama, tama peyu, Kidron ąį odogo nogogi pai. Te ni oliv sili, te ąį u badu elaluai. Tama Jisas aga wali pabo bidi dabe dali augwali te oliv ni sili bulu tomoba pai.

Te Israel me Juda Hani Sigo Tuni Bidigo Po Elalubo Buku Deli 2:37

“Te nago te wę Kidron bolama, tama te hanu Jerusalem dali dąį elalubo taga pali da, teda polo tama eno te nage ela muaibao. Tama nage te naga digi yali dwai sęde isaibao,” wali.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

Dwagi Yai Gesi Po Lukgo Asęani 1:80

Nosali e wai Jon genuai elama, te aga noma bidi me bomo yai pedalumainu ilali. Tama aga te we bidi meni yai bulude bidali. Tama nosali aga te Israel we bidigo gesabidiba hanilagaselama, bidali.

Matyu 3:3

Jon da, te agade Godigo te aga po pusali bidi Aisaia te profetgo pedauwalide wali po usu nani bidi dao. Aisaiago polobadu e po weyu asęani, “Te bidi meni yai bulude bidi me deligo i weyu, bomonama te po obao, ‘Genuai Bidigo asabo tų sisi ilao. Aga tų dabe dodolao,’” te po asęani.

Matyu 3:1

Te nosali augwali te Nasaret hanude bididubadi te Jon, te baptais mabo bidi aga pedelai. Aga te Judia tǫ tomode te bidi meni yai bulude bidali, tama agai te po augwalibolo pusali,

Tuni Bidi Dabego Po Elalubo Buku Si 29:16

Tama tilama, te pris dabe augwali Genuai Bidigo tempel be tomoba pali, tama augwaligo Godigo gedude meda yai nai dabe sese sela sąyani. Augwaligo te nai dabe te genuai sisinibo pesage te Genuai Bidigo be gesabidi baduba sesali. Tama Livai dabego te nai dabe tolasa Jerusalem bulu badu pelama, te Kidron Odogo Malu buluba sągi pali. Tama nosali te pris dabego te be Genuai Bidigo gedude wiegi yai ma ilali.

Te Israel me Juda Hani Sigo Tuni Bidigo Po Elalubo Buku Deli 15:13

Tama agai te aga idago auwa mosi agai sela sąyani, Maka, tama agai sę me te ma sula tagalobe, te aga namba yali me, te kingo ida da homu meni. Magi baso meni, te we Maka agai te tibo god we Asera noma me deli nigibo sę yai. Tama te bidi Asago te po wali, “Tama dagego te dwai kugumini yai piksa noma nigali togolama, tama dagego selasa pelama, te Kidron wę odogo maluba sia ulugi pao,” wali.

2 Samuel 15:22

Megi da, Devitgo agaba te po wai, “Te usu da, dage ena dali pogǫǫ.” Tama tibaso, Itai me, aga ami bidi dabe me, te augwa we wai puluba dali, augwa te gasa hani wali palio.

2 Samuel 15:28

“Ena te kemi tǫ wa pai buluba pelama, ena te wę nogebo pesageba sabalubo sogo da, teda te Jerusalemde pedelali sę po te dagego ola tolobo po odainu, te dage tonalu te sogoba usu naibao,” wali.

Jeremaia 31:40

Tama te tǫ bogo me saut badu, te bulu odogode te gų page me elalu, te keli sąbo pesage me elaluali, te taun dąį yali tomode elalueibao. Te giliga pedalubo badu, te tigidali tǫ pedai te odogo bulu te ąį Kidron sesegeba usu nigi paibao, te me te taun tomode elalueibao. Te dąį pabo te Hos Dabego Sunumi te not badu usu naibao. Tama te taun tomode tǫ tigidali te gasagi yai tedali tǫ dao, te ena Genuai Bidigo tǫ elalueibao. Te boi bidi dabe aselama, te taun dolama, te aluama, te doado bage me sagasogobeo. Menio. Te taun te sesemane sogo bugagia elalueibao,” Genuai Bidigo te po wali.