2 Samuel 15:2 - Godigo dwagi yai po buku

² Tigidali side aga te kigamu digi mu hogodama, tama pelama, te hanu tomoba soabo sunumi pąba dolalugi piduali. Tama bidi me deligo te aga abagi dali wado po olama, tama te kingo dodolomainu asobo sogo da, teda te Apsalomgo aga i olama asobo si, tama agaba te tama po hanalu wali, “Nage mena bulu bidi dawe?” Tama te bidigo te aga te mena hani Israeldu asali po te agabolo weyu yai dao.

2 Samuel 15:2 Referans Kwoze

Matyu 27:1

Te be posa pabode, tama te tigidali Godibolo nai ula mabo pris genuai bidi dabe badi, te Juda hani tobolu bidi dabe dali, augwaligo po minama, Jisas elabo po olama, tama deli homu elama te po dąų wai.

Bugagia Bidibo Kolesagade Po Asęai Buku 4:16

Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Jopgo Po Asęani Elalubo Buku 24:14

Te kigamu hulide mu te giliga pedalisiąbadi, te dwai bidi dabe hogodama, te nai meni yai bidi dabe ela muainu pabo dao. Tama hulide da, augwali nai dabe wi sainu bilibo dao.

2 Samuel 19:8

Joapgo po ola simanobo si da, teda king Devit hogodasa pelama, te taun hanuba pabo sunumi pąba duagi pai. Tama aga ami bidi dabego tama po odali, te king aselama, te taun hanuba soabo sunumi pąba duayagaselama, tede bidibo po odai. Tama tibaso, te ami bidi dabe pelama, aga dali hodobo bidigi pai. Te tigidali Israel dabe wi pelayu, te augwa bidali deli deli buluba ma pela silalio.

Rutgo Po Elalubo Buku 4:1

Tialima, Boas te hanuba pelama, te po mibo madi pali, tama aga tede dulaluali. Tama gesege gana isiąbadi, te sogo agai suali, te gasa bidi me te Elimelek aga deli hani asobo sualio. Tama Boasgo aga i olama, “Ae, ama, nage aselama, eba duayagasao. Eno dwasianu po elalubao.”

Ma Dobola Sali 18:26

Tama sesemane sogo augwaligo te po tų odobo sę tonaluai. Augwa digi te dwasianu sę yali sęgę dabe dodolali, tiali goli augwaligo genuai sęgę yai sę yali te Moses pageba pelama, tama aga digi te sęgę dabe dodolai.

Ma Dobola Sali 18:16

Tama me sogo bidi me aga si magi nai me delide wado ebo sogo, te bidi si ena bidiboba aselama, tama eno augwali sigo po dagalama, tama te po isilaibao. Tama augwaligo wado ebo page tede eno augwalibolo te Godigo bomai po ola mabo dao,” wali.

Ma Dobola Sali 18:14

Jetrogo Mosesgo te sę dabe eyu, te we bidi dabe augwali tau sabo sulama, tama agai Mosesbolo te tiwai po wai, “Tegoba. Nago te we bidi tau sabo sę hauwa mu ebao. Magi baso nagaduba deligo naga nago te po tų odobo sę dabe ebo dawe? Suao, tigidali we bidi kigamu nage dali po wainogo asali, tama augwali dolayu, tonalubadi, be pio ebao. Magi baso nago tama tibawe?” wali.

Tigidali Nai Gagalama Nigali Side 34:20

Tialima, Hamor dali aga ogwa Sekem augwali si te bidi sisinibo pesage te hanu sunumi pąde teba pelama, tama augwali sigo te hanude bidalubo gasa bidi dabe dali po miani. Augwali sigo te po wali,

Bomai Po 17:8

“Te me sogo te po sęgę genuai mu te hanude yaibao, tama te jas dabe te hanu dabede bidibo te bagego dodolobo usu egobeo. Te bidi dabe aga hasi boi bidi homu elama, me bidi ela muai baso, o te bidigo tǫ hagede o be hagede wado yai baso, o te bidi dabe aga hasi hwįnama, me bidigo tigi mu dolai baso. Tiali tama, te tobage nai dabe te jas dabego dodolobo usu isąbaso da, teda dage te lotu wabo pesage Genuai Bidi dago God agai sa muaiba, te pesage deliba naga pao.

Tuni Bidi Dabego Po Elalubo Buku Si 10:7

Tialima augwaligo aga e tama po walali, “Tialima nago augwaligo po wali pelama, wiegi yai kolesaga ola mayu, augwali dali wiegi yai po wali da, teda augwali nage dologode sesemane sogo bidaibao,” wali.

Daniel 11:21

Tama te bidi te da tǫde bidi tiwaigo te enaba po ma wali, Danielba, te tama po wali, “Nosali te gasa Siria king pedelaibao, tama aga te dwai bidi mu yaibao. Te bidi aga te king pedelabo bidi tiwai ąǫ isąwaibao, tiali goli polo tama te aga pedelama, tama te haniani homu bega sabo po me tibo po weyu yaibao, tama aga digi te Siria king bidimainu ilaibao,” wai.